Mysaly, Qyrǵyz Respýblıkasynyń týrızmdi damytýdy qoldaý qory prezıdentiniń keńesshisi Maqsat Ýsýbalıev Almaty qalasy kásipkerler palatasynda óz eli týrızmdi túletý maqsatynda kapıtaly 1 mlrd somdy quraıtyn qor qurǵany týraly málimdedi.
«Bizdiń alǵa qoıǵan maqsatymyz – Almaty men Almaty oblysynyń shekaralas aýmaqtarynyń turǵyndarynyń bizdiń elge saparyn jeńildetý, elimizge kelgen týrısterdiń qaýipsizdigin qamtamasyz etý. Biz olardyń Qyrǵyz Respýblıkasy shekarasynan kedergisiz ótýi úshin barynsha jaǵdaı jasap otyrmyz. Sonyń biri – shekaradan Ozernyı asýy arqyly ótý úshin usynylǵan úkimetaralyq kelisim. О́tken jyly biz Qyrǵyzstan men Qazaqstan depýtattarynyń qatysýymen qanatqaqty jobany iske qosyp, taý arqyly júrý ótkelin ashtyq. Bul eki el Prezıdentiniń aýyzsha málimdemesinde aıtylǵan edi. Munyń bári Qazaqstan basshysynyń bizdiń elge kelýiniń arqasynda júzege asyp jatyr», dedi M.Ýsýbalıev.
Osy arada taý soqpaq joldaryn jańǵyrtý bastamasy «Kaz Alpine Club» AQ men «KATO» AAQ (Qyrǵyz týroperatorlar qaýymdastyǵy) uıymdaryna tıesili ekenin aıta ketý kerek. Buǵan qosa byltyr qazaq eliniń belsendileri Ozernyı men Sarybulaq asýlary arqyly júrip ótkenin de eske sala ketýge bolady. Osylaısha, taý ótkeli arqyly Ystyqqólge sapar sátti aıaqtalǵan edi. Al endi bıylǵy jospar boıynsha týrısterge arnalǵan sol taý ótkelderi ashylýy kerek.
«Eki el arasyn baılanystyryp turǵan taýdaǵy ótkelder túrli sebeppen 2009 jyldan beri jabyq tur. Qyrǵyz Respýblıkasynan kelgen gıdterdiń jumysyna tyıym salyndy, sondaı-aq Qazaqstanǵa týrıstik kólik úshin shekteý qoıyldy. Sodan beri kóp ýaqyt ótip ketti. Taý ótkelin ashý «Atameken» UKP, bıznes-qoǵamdastyq, Ulttyq qaýipsizdik komıteti, eki eldiń memlekettik organdary men Májilis depýtattarynyń birlesken jumysynyń arqasynda júzege asady», deıdi О́KP tóraǵasy Áýez Táımbetov.
Spıkerdiń aıtýynsha, taý týrızmi, sondaı-aq osy saladaǵy basqa baǵyttardy damytýǵa bıyl kúsh salynady. Sol sııaqty týrıstik salanyń túıtkildi máselelerin sheshý úshin óńirlik kásipkerler palatasy janynan Týrızm jónindegi salalyq komıteti qurylyp, oǵan týrızm salasynda qyzmet etetin kásipkerler, Almatyda týragenttikter, týroperatorlar, odaqtar men qaýymdastyqtardyń ókilderi múshe boldy.
Osy komıtettiń jumysyna baılanysty Áýez Táımbetov: «Salalyq keńesterdiń mindeti – jergilikti atqarýshy organdarmen tıimdi ózara is-qımyl uıymdastyrý, óńiraralyq jáne vedomstvoaralyq jumysty úılestirý, salalyq saraptamany shoǵyrlandyrý, bıznes quqyǵyn qorǵaý jáne kásipkerlerdiń biliktiligin arttyrý», dep otyr. Keńes jumysy barysynda kórshi elmen týrızm baǵytyndaǵy yntymaqtastyqty arttyrý, eki el arasynda shekarada týrıster úshin jedel dálizder ashý syndy sharalar jan-jaqty qaralmaq.
Resmı statıstıkaǵa súıensek, Qazaqstan – Qyrǵyz eliniń jetekshi saýda-ekonomıkalyq jáne ınvestısııalyq seriktesteriniń biri. 2005 jyldan bastap Qazaqstannan Qyrǵyz Respýblıkasyna tikeleı ınvestısııalar kólemi 1,352 mlrd dollardy, Qyrǵyzstannan Qazaqstanǵa 97,1 mln dollardy qurady. Qyrǵyzstannyń qatysýymen jumys isteıtin zańdy tulǵalar, fılıaldar men ókildikterdiń sany 807 kásiporyn bolsa, Qazaqstanda birlesken menshik nysandar sany – 233 kásiporyn, al Qyrǵyz Respýblıkasynda 373 kásiporyn bar.
Al 2022 jyly Qyrǵyzstan men Qazaqstan arasyndaǵy taýar aınalymynyń kólemi 1,1 mlrd dollardy qurap, 2021 jylǵy kórsetkishten 1 mlrd dollarǵa asyp tústi. Esepti kezeńde Qyrǵyz elinen Qazaqstanǵa eksport 438 mln dollardy qurap, 2021 jylǵy kórsetkishten 382 mln dollarǵa ósti. Byltyr Qazaqstannan Qyrǵyz Respýblıkasyna ımport 749 mln dollarǵa jetse, bul 2021 jylǵy kórsetkishten 661 mln dollarǵa artyq.
ALMATY
