Qazir eki eldiń qarym-qatynasy «jan-jaqty máńgilik strategııalyq seriktestik» deńgeıine kóterilip otyr. Sondyqtan vızalyq rejim eki el qatynastarynyń damýyna kedergi keltirmeıdi dep aıtýǵa negiz bar. Kerisinshe, vızalyq rejim halyqaralyq tártipti saqtaýǵa tıimdi ekenin kórsetedi.
Qazaqstan men Qytaı arasyndaǵy ekonomıkalyq baılanystar da aıtarlyqtaı damyp keledi. О́ıtkeni bul baılanys eki eldiń bir-birine qajettiligi men ortaq múddesi negizinde ornaǵan. Al kólik transport pen logıstıkalyq baılanystary halyqaralyq sıpat alatyndyqtan, bul baǵyttaǵy áriptestik vızalyq rejim bolsyn, bolmasyn óz yrǵaǵymen damı beredi. Ony eshkim de ózgerte almaıdy. Degenmen óz basym kez kelgen elmen etene baılanys jasaýǵa qatysty saıasatta Abaı atamyz aıtqandaı «Aqyryn júrip anyq bas, eńbegiń ketpes dalaǵa» degen qaǵıdatty ustanýdy dáripteımin.
Nábıjan MUQAMETHANULY,
Ál-Farabı atyndaǵy QazUÝ professory,
tarıh ǵylymdarynyń doktory
