ASTANA. 13 shilde. Búgin tún ortasy aýa Brazılıa qalasynda Brazıııa jáge Gollandııa quramalary úshinshi oryndy sarapqa saldy. Match 3:0 esebimen gollandııalyqtardyń paıdasyna sheshildi. Bul týraly egemen.kz habarlady.
Gollandııa quramasy óziniń tarıhynda tuńǵysh ret álem chempıonatynyń qola medaline qol jetkizdi. Bul úshin Lýı van Gal shákirtterine alań ıeleri qaqpasyna jaýapsyz úsh gol soǵýǵa týra keldi. Eki komandada da úshinshi oryn úshin ólispeı berispeıtin sebep boldy. Sonyń ishinde jartylaı fınalda Germanııadan 1:7 bolyp kúıreı jeńilgen brazıdııalyqtar úshin bul utys aýadaı qajet edi. Al Gollandııa buǵan deıin birde-bir chempıonatty kóterińki notada aıaqtap kórmegen bolatyn. Olar tipti fınalda shaıqasqan 2010 jyly da ony jeńilispen aıaqtaǵan. Osynyń aldynda «qyzǵylt-sarylar» ustazy álem chempıonatynda úshinshi oryn alýdyń eshqandaı máni joq ekenin málimdegenine qaramastan, bul el komandasynyń atalmysh matchqa barynsha joǵary daıyndyqpen kelgeni birden baıqaldy.
Brazılııa – Gollandııa 0:3 (0:1).
13 shilde. Brazılıa. Ulttyq stadıon. Tóreshi - Djamel Haımýdı (Aljır).
Brazılııa: Jýlıo Sezar, Dýglas Maıkon, Tıago Sılva, Davıd Lýıs, Andrade Maksvell, Lýıs Gýstavo (Fernando Fernandıno, 46), Joze Paýlıno (Lıma Ernanes, 58), Santos Ramıres (Halk Jıvanıldo, 73), Borges Vıllıan, Oskar dos Santos, Joao Alves Jo.
Gollandııa: Iаsper Sıllessen (Mıshel Vorým, 90+4), Stefan de Vreı, Ron Vlaar, Brýno Martıns Indı, Iordı Klası (Ioel Veltman, 90), Djordjıno Veınaldým, Dırk Kıoıt, Deılı Blınd (Derıl Iаnmat, 72), Djonatan de Gýzman, Aren Robben, Robın van Persı.
Goldar: Robın van Persı (4, penaltı), Deılı Blınd (17), Djordjıno Veınaldým (90+2). .
Eskertý: Tıago Sılva (3), Oskar dos Santos (70) – Aren Robben (10), Djonatan de Gýzman (37).
Muny «qyzǵaldaqtar eli» quramasynyń kezdesýge negizgi quramymen shyqqany da aıǵaqtap berdi. Tek match aldyndaǵy dene qyzdyrý kezinde sińirin sozyp alǵan Ýeslı Sneıder men jaraqatynan tolyq aıyqpaǵan Naıdjel de Iong ekeýi ǵana oıynǵa qatysa almady. Bulardyń birinshisin Djonatan de Gýzman almastyrsa, ekinshisiniń ornyna Iordı Klası shyqty.
Brazılııalyqtardyń bas bapkeri Lýıs Felıpe Skoları kútpegen jerden eksperımentke baryp, starttyq quramǵa buryn nazarǵa ilikpegen oıynshylardy engizdi. Negizgi sanalǵan quramnan tek qaqpashy Jýlıo Sezar, qorǵaýshylar Davıd Lýıs pen osynyń aldyndaǵy oıyndy dıskvalıfıkasııaǵa baılanysty jibergen Tıago Sılva, sondaı-aq Oskar ǵana alańǵa shyqty. Shabýyl shebinde jaraqat alǵan Neımarǵa ǵana emes, sonymen qatar baqýatty Fred pen Halkqa da oryn tabylmady. Bul joly selesao bir ǵana aıqyn forvard – Jony alǵa salyp oınady.
Nátıjesinde kezdesý jartylaı fınaldyń jalǵasy ispetti bolyp bastaldy. Brazılııa 3-mınýtta-aq gol jiberip aldy. Onyń aıyp alańynda Aren Robben ádemi qulaı bildi. Onyń shynaıy ekenine senip qalǵan aljırlik tóreshi Djamel Haımýdı 11 metrlik núkteni nusqady. Aldyn ala aıtyp qoıaıyq, bul arbıtr da týrnırdegi kóptegen tóreshiler tárizdi oıyn ústinde «qalqyp» júrdi. Ol kóp rette onyń tizginin ýysynan shyǵaryp ala berdi. Al penaltıdi Robın van Persı óte jaqsy soqty – 1:0. Osymen pentakampeondar bul birinshilikte ótkizip alǵan goldary sanyn 12-ge toltyrdy. Buǵan deıingi chempıonattarda olardyń bul jónindegi kórsetkishi 11-den asyp kórmegen edi. Onyń ózin qurama alystaǵy 1938 jyly tirkegen-di. Demek, sary jeıdeli komanda taǵy bir antırekordqa qol jetkizip otyr.
Oıynnyń 17-mınýtynda Gollandııa esepti 2:0-ge jetkizdi. Sonymen birge brazılııalyqtar ótkizgen dop sany 13-ke asty. Gol Djonatan de Gýzmannyń qııalatyp jetkizgen pasyn Deılı Blındtiń qaqpaǵa týralap urýy arqyly tústi. Shyny kerek, bul gol da tym «taza» bolǵan joq. Gýzman Robbennen pas alǵan kezde naǵyz ofsaıdta tur edi. Osynyń ózi kezdesýdegi bas tóreshi men laısmandardyń osal bolǵanyn kórsetedi.
Osylaı alǵashqy eki goldy da kúmándi jaǵdaıda soqqan Gollandııa budan ári de asa saq qımyldaı otyryp, qarsy shabýyldyń shyraıyn shyǵarýǵa tyrysyp baqty. Al Skoları komandasynyń bir táýir jeri, matchtyń birden ózderi úshin qyryn sıpatta órbigenine qaramastan, nemistermen oıyndaǵydaı saly sýǵa ketip, bárin taǵdyrdyń tálkegine tastaı salmady.
Gollandııalyqtar budan buryn, 1998 jyly Fransııada ótken álem birinshiliginde bir ret úshinshi orynǵa talasyp kórip edi. Biraq sol joly horvattarǵa 1:2 bolyp utylyp qalǵan. Bularǵa qaraǵanda, brazılııalyqtardyń úshinshi orynǵa talasta birshama baı tájirıbesi bar. Olar mundaı shaıqastardy 1938, 1974 jáne 1978 jyldary bastan ótkerdi. Sonyń ishinde selesao úshin 1938 jáne 1978 jyldar sátti boldy.
Kezdesýdiń ekinshi jartysynda Brazılııa terrıtorııalyq jáne oıyn basymdyǵyna ıe boldy. Alaıda, tablodaǵy esep ózgere qoımady. Komanda 68-mınýtta bir doptyń qarymtasyn qaıtarýǵa óte jaqyn qaldy. Sebebi, qarsylastar aıyp alańyna qustaı ushyp jetken Oskardy Blınd shalyp qulatty. Al tóreshi penaltı belgileý ornyna brazılııalyq shabýylshy osyny qasaqana istedi dep eseptep, oǵan «sary qaǵaz» kórsetti.
Brazılııalyqtar budan keıin de shabýyldy jalǵastyrdy. Biraq birde-bir ret qarsy qaqpany dál kózdeı almady. Munyń esesine oıynnyń negizgi ýaqytyna qosylǵan 2-mınýtta Djordjıno Veınaldým kútpegen jerden úshinshi goldy da salyp ketti.
Osylaısha oıyn 3:0 bolyp aıaqtaldy.
Chempıonattyń sheshýshi matchy 13 shilde kúni túnde Rıo-de-Janeıroda ótedi. Alańǵa Germanııa jáne Argentına quramalary shyǵady.
Damır Qojamqul.
Derekkóz: egemen.kz.
Foto: ITAR-TASS.
