Kim jeńedi: Damır me, álde Doýson ba?

32 jastaǵy Damır Ismaǵulov kásibı túrde aralas jekpe-jekpen 2014 jyldan beri aınalysyp keledi. Tórt jyldan asa ýaqyt aralyǵynda 20 márte oktagonǵa shyqqan ol 19 ret jeńiske jetip, 13-inde aıqyn basymdyq tanytty. Áli esimizde, 2016 jyly Damır Al­matyǵa kelip, Danııar Qasqaraýov jetekshilik etetin «Alash Praıd» pro­moýsheni uıym­­dastyrǵan dúbirli dodaǵa qatysty. Bir táýliktiń ishinde Te­mirlan Aısádilov, Aıbek Nur­seıit jáne Marat Baqtyorazov syn­dy sportshylardy san soq­ty­ryp, bas júldege tigilgen «te­mir tulpardy» tizgindedi. Ala­taý baý­raıyndaǵy jarys qan­da­sy­myz­­dyń iri jeńisteriniń altyn bas­taýy boldy desek te bolady. Olaı deýge negiz, Ismaǵulov kelesi jyly Orynborda ótken týrnırde Ne­va jaǵalaýynan kelgen Maksım Dıv­nıchti oısyrata utyp, M-1 nus­qasy boıynsha chempıondyq bel­beýdi ıelendi. Ol sodan keıin qa­tarynan eki ret óz ataǵyn sátti qorǵady.

Osyndaı jarqyn jeńisterden keıin Damır UFC-diń qyraǵy mamandarynyń nazaryna ilikti. Aralas jekpe-jek álemindegi eń beldi uıymyndaǵy tusaýkeser kezdesýin Ismaǵulov 2018 jyldyń 2 jeltoqsanynda Aýstralııanyń Adelaıda qalasynda ótkizip, jer­gilikti faıter Aleks Gord­jısten aılasyn asyrdy. Kóp uzamaı ol Hoel Alvares, Tıagý Moızıs, Rafael Alvıs jáne Gý­ram Kýtateladzeni utyp, jeńil sal­maqtylar reıtınginde TOP-15 sportshynyń qataryna endi.

О́ziniń keıingi jekpe-jegin Damır byltyrǵy jyldyń aıa­ǵynda AQSh-tyń Las-Vegas qalasynda Reseıdiń týy astynda óner kórsetip júrgen armıan jigiti Arman Sarýkıanmen ótkizdi. Qarsylastardyń deńgeıleri shamalas boldy. Ekeýi qansha arpalyssa da, bir-birin ala almady. Báseke teń dárejede ótti. Desek te tóreshiler Sarýkıandy jeńimpaz dep jarııalady. Osy sátsizdikten keıin qazaq faıteri UFC-den ketetinin jalpaq jurtqa jarııa etti. Alaıda arada birer aı ótken soń ol raıynan qaıtty. Mine, endi «Qazaq» qaıta aıqas alańyna shyǵýǵa bekindi. Al Damır Ismaǵulovtyń qarsylasy jaıynda biz ne bilemiz?

29 jastaǵy Grant Doýson AQSh-tyń Vıskonsın shta­tyndaǵy Kambrııa qalashyǵynda dúnıege keldi. Onyń da aralas jekpe-jekpen shuǵyldanyp júrgenine toǵyz jylǵa jýyq­tady. Janama aty – «Prophet». Doýson – brazılııalyq djıý-djıtsýdyń has sheberi. Alǵashqy eki jylda 11 kezdesý ótkizgen Grant 10 ret jeńis toıyn toılady. 2017 jyly Deın Ýaıt pre­zıdenttik serııanyń irikteý synynan irkilmeı ótip, UFC-men kelisimshartqa otyrdy. Atalǵan uıymda ol segiz márte aıqas ala­ńyna shyǵyp, jeti ret jeńiske jetti. Taǵy bir básekede teń esep tirkeldi. AQSh sportshysy Djý­lıan Erosa, Maıkl Trızano, Darrık Mınner, Nad Narımanı, Leonardo Santos jáne Jareb Gar­don syndy sheberlerdi utyp, TOP-15 sportshynyń qataryna qosyldy.

О́ziniń keıingi kezdesýin Grant Doýson byltyrǵy qarasha aıynda danııalyq Mark Madsenmen ótkizdi. Bul esim jankúıerlerge jaqsy tanys. Ol grek-rım kú­resinen Rıo Olımpıadasynyń kúmis júldegeri, álem chempıonat­tarynda tórt kúmis jáne bir qola medal oljalady. Aralas jekpe-jekten 12 kezdesý ótkizip, bar­lyǵynda mereıi ústem boldy. Sol ataǵy jer jarǵan Madsendi toq­tatqan – Doýson. Ol danııalyqty qyl­qyndyryp tastady. Mine, osy­dan-aq Damır Ismaǵulovtyń qar­sylasy qanshalyqty azýly ekenin ańǵarýǵa bolady.

«1 shildede UFC-ge qaıta oralamyn. Qarsylasym TOP-15 sportshynyń qatarynda. Bul – men úshin kezekti úlken synaq. Osy jekpe-jekte bolashaǵymnyń aıqyndalatyny anyq. Meniń esh­kimnen de, eshteńeden de qaı­myq­paıtynymdy ózderińiz jaq­sy bilesizder. О́ıtkeni qazaq­tar qorqý degendi bil­meıdi. Men al­daǵy aıqasqa saqadaı-saı ázir­­likpen kelip, jeńiske jetý úshin barymdy salamyn», deıdi D.Ismaǵulov.