El qorǵaý – erge paryz

Áskerde olar granata laqtyrý, pýlemetpen atý, mergendik jáne zeńbirekshi syndy áskerı-esepke alynatyn mamandyqtardy meńgerdi.

– Bir jyl ishinde sender qarý-jaraq pen áskerı tehnıkanyń zamanaýı úlgilerin zerdeledińder. Shynyǵyp shymyr boldyńdar, psıhıkalyq turǵydan nyǵaıdyńdar. Ásker mektebinen alǵan ilimderiń alda azamattyq salada da qajetterińe jararyna senimim mol, – dep atap ótti brıgada komandıri, podpolkovnık Abaı Álibekov.

Bilim berý salasyndaǵy jeńildikter men áskerde eńbek naryǵynda suranysqa ıe jumys­shy mamandyǵyn meńgerý múmkindiginiń bolýy arqasynda jastar arasynda áskerge barýǵa qyzyǵýshylar qatary artyp otyr.

– Áskerge kelgenime ókinbeımin. Ásirese, beıimdelý kezinde qoldaý kórsetken jáne bizge bergen bilimderi úshin komandırlerge rızashylyǵym sheksiz. Ásker arqyly bolashaqqa senimim artyp, jańa perspektıvalarǵa jolym ashyldy dep úmittenemin, – dep oıymen bólisti Almaty oblysynan kelgen shabýyldaý batalonynyń mergeni, qatardaǵy jaýynger Aıbek Tashkınbaı.

Basshylyq áskerı qyzmetshilerge adal qyzmeti úshin alǵys aıtyp, gramotalar men estelik syı­lyqtar tabys etti. Erekshe kózge túsken sarbaz­dardyń ata-analaryna alǵys hattar joldandy.

Kóptegen jas ulttyq biryńǵaı testileýden ótpeı-aq elimizdiń joǵary oqý oryndaryna túsý quqyǵyn paıdalanýǵa nıetti ekenin aıta ketken jón. Al áskerı qyzmettiń qyr-syryn bilip, yrǵaǵyna úırengender áskerde qa­lyp, kelisimshart boıynsha áskerı qyzmetti jalǵas­tyrýdy jón kórip otyr.