Foto: euronews.com
Klımattyń ózgerýine baılanysty Ispanııada sońǵy onjyldyqta bolmaǵan qurǵaqshylyq bolyp jatyr. Eldegi qurǵaqshylyqpen kúresti kúsheıtýge jalpy 2 mıllıard eýrodan astam qarjy bólinedi.
Úkimettiń kezekten tys otyrysynda tabıǵı apattardyń saldaryn jeńildetý jónindegi sharalardy qamtıtyn jospar bekitildi. Qujatta sýmen jabdyqtaýdyń jańa júıelerin salýǵa qarajat bólý kózdelgen. Sonymen qatar bılik qala ishindegi sýdy qaıta paıdalaný kólemin eki ese arttyrýǵa nıetti.
«Sý kólemin ulǵaıtý bizdiń basty maqsatymyz. Qaıta paıdalanatyn sý kólemin ulǵaıtamyz. 2027 jylǵa qaraı ony 10%-dan 20%-ǵa deıin arttyramyz», dedi Ispanııanyń ekologııa mınıstri Tereza Rıbera.
Jospar mýnısıpaldyq jáne aımaqtyq saılaýǵa eki apta qalǵanda maquldandy.
Barselonadan shamamen 100 shaqyrym jerde ornalasqan Saý sý qoımasyndaǵy sý deńgeıi sáýir aıynda rekordtyq deńgeıge deıin tómendedi.
Klımat daǵdarysy qurǵaqshylyqtyń áserin kúsheıtip jiberdi. Saldarynan sharýa qojalyqtary qatty zardap shegip jatyr. Bılik olarǵa kómek retinde shamamen 800 mıllıon eýro bólýge ýáde berdi.
