Indýstrııa jáne ınfraqurylymdyq damý mınıstrliginiń málimeti boıynsha, memlekettik turǵyn úı kómegi aıasynda áleýmettik az qamtylǵan azamattardyń kommýnaldy qyzmetterge jumsalatyn shyǵynyn ishinara óteý joldary qarastyrylyp, osy jyldyń birinshi toqsanynda 372 mln teńgeden asa qarajat kóleminde kómek kórsetildi. Bul kómekpen 17 myń otbasy qamtyldy.
Byltyr ótemaqy mólsheri men úmitkerlerdiń sanyn ulǵaıtatyn ózgerister engizilgen edi. Osy oraıda elimizde muqtaj azamattardyń kommýnaldy qyzmetterge jumsalǵan shyǵyndaryn óteý úlesi orta eseppen 52,8%-dy qurap otyr.
Atalǵan turǵyn úı kómegi jergilikti bıýdjetten tólenedi, sondaı-aq ony taǵaıyndaýdyń belgilengen erejeleri bar. Joǵaryda aıtylǵan shyǵynnyń shekti deńgeıi men turǵyn úı kómegin taǵaıyndaý tártibin jergilikti máslıhattar bekitetinin eskergen jón.
О́ńirlik ákimdikterdiń deregine súıensek, keıingi 4 jylda 174 myńnan asa azamat shamamen 5 mlrd teńgedeı somaǵa turǵyn úı kómegine ıe bolǵan. Osy rette áleýmettik az qamtylǵan otbasynyń tabysy (mysaly, 4 adamnan turatyn otbasyny alǵanda) bir adamǵa shaqqanda shamamen 25 798 teńgeni, al tutastaı otbasyna eseptegende 103 192 teńgeden aspaýǵa tıis.
