Taraptar saýda-logıstıkalyq ınfraqurylymdy damytý, ınvestısııalar tartý, aýyl sharýashylyǵy men sý-energetıka salasyndaǵy yntymaqtastyq jáne basqa da birqatar máselelerdi talqylady.
Álıhan Smaıylov Qazaqstan men Qyrǵyzstan arasynda ózara syılastyq pen tatý kórshilikke negizdelgen senimdi qarym-qatynas damyp kele jatqanyn atap ótti.
2022 jyldyń qorytyndysy boıynsha ekijaqty taýar aınalymy 7,5%-ǵa ósip, $1,1 mlrd-tan asty. Oń úrdis bıyl da saqtalyp otyr.
«Jaqyn arada saýda aınalymynyń kólemin $2 mlrd-qa jetkizý úshin qajetti sharalar qabyldanýda. Birlesken is-qımyldar arqasynda atalǵan maqsatqa qol jetkizemiz dep senemin. Qazaqstan Úkimeti ekijaqty yntymaqtastyqty tereńdetýge baǵyttalǵan kópqyrly ózara is-qımyldyń barlyq salalary boıynsha belsendi dıalogty jalǵastyrýǵa daıyn», dedi Premer-mınıstr.
О́z kezeginde Aqylbek Japarov elder arasyndaǵy ekijaqty kún tártibindegi barlyq máseleler ózara túsinistik, senim jáne qoldaý rýhynda talqylanyp, sheshimin taýyp jatqanyn atap ótti.
«Búgingi kezdesýimiz ekijaqty yntymaqtastyqtyń keleshegin talqylaýǵa jáne aıqyndaýǵa jaqsy múmkindik beretinine senimdimin», dedi Aqylbek Japarov.
