«Úrker (Ilınka) eldi mekeniniń belsendi turǵyndarymen kezdestim. Bul eldi mekende eń aldymen káriz jáne elektrmen jabdyqtaý jelisiniń máseleleri sheshilýi qajet. Qazir osy baǵytta jumys júrgizip jatyrmyz», dep jazdy Jeńis Qasymbek.
Sol sııaqty kezdesýde turǵyndar jol, trotýar, áleýmettik nysandar, aıaldamalar salý, abattandyrý, jaryqtandyrý sekildi ózge de máselelerdi kóterdi.
«Mektep máselesi ózekti kúıinde qalyp otyr. Úrker eldi mekeninde eki mekteptiń qurylysyn júrgizip jatyrmyz. Onyń biri – bir aýysymdy, 900 orynǵa arnalǵan, ekinshisi – bir aýysymdy, 2 myń oqýshy orny. Atalǵan mektepterdi qoldanysqa berý ýaqyty – 2024 jyl.
Bıyl dene shynyqtyrý-saýyqtyrý kesheni salynyp, paıdalanýǵa beriledi. Kóterilgen máselelerdi sheshý boıynsha oryndaý kestesin ázirleımiz. Jumys kezeń-kezeńimen júrgiziledi», dep jazdy ákim.
