Oqyrman

Hat qorjyn ...rızashylyq bildiredi Jyly sózi de janǵa shıpa Qaı kezde de bas aýyryp, baltyry syzdaǵandarǵa der kezinde kómek beriletini bylaı tursyn, aq halatty abzal jan­dardyń bilik­­­­tiligi, naýqas adamǵa degen aıaly qamqorlyǵy qajet. Osyn­­­daı abyroıly min­detti túsingen ujymnyń biri – Atyraý qala­syndaǵy №5 qa­­lalyq emhana. Men kóp jyl­­dar boıy osy emhanaǵa qa­ra­lyp júrgen turǵyn­myn. Bul emhana «Kezeksiz emhana» júıe­sinde jumys isteıdi. Qala­­ǵan mezgilimde emhananyń elek­tron­dyq saıty nemese telefon arqyly aldyn ala kezekke ja­zylyp, dárigerlerden em alamyn. Emhanada ÝZI, flıýorografııa apparattary, toqpen emdeý bólmesi jaqsy jabdyqtalǵan. Kúndizgi emdeý bólmesi de qyzmet etedi. Bas dá­riger Kúlshara Ju­maǵalıeva bastaǵan dárigerler emdelýshilerdi jyly sózimen de, shıpaly emimen de emdeıdi. Dárigerlerdiń óz mindetin adal atqarýynyń arqasynda emdelýshilerge qyzmet kórsetý mádenıeti ózgerdi. Shyndyǵyn aıtý kerek, biz otbasymyzben osyndaı úlgili emhanada emdelip, qaralatynymyzǵa rızamyz. Rasynda da, halqyna minsiz qyzmet kórsetip otyrǵan emhana ujymynyń eńbegin biz baǵalap otyrsaq, bul aýyz­birligi jarasqan ujym men onyń ji­gerli de alǵyr basshysynyń tikeleı eń­begi. Sondyqtan da, biz medısına qyz­­met­kerlerine budan bylaı da halyq rıza­shylyǵyna bólenip, eńbekteriniń jemisin kórýlerine tilektespiz. Aqmaral JOLDASOVA, qala turǵyny. ATYRAÝ. ...suraý salady Zeınetaqy qoryndaǵy úlesimizdi bilgimiz keledi Bizder Jambyl oblysynyń Merki, Qulan aýdandarynda ornalasqan bir kezderdegi Qyrǵyzstanǵa qaraıtyn temirjol beketterinde 40 jyldan asa eńbek ettik. Ol kezde bul jol toraby Frýnze temirjolynyń bólimshesi bolatyn. Bul mekemede eńbek etken 100-den asa otbasy Keńes Odaǵy taraǵannan keıin de sol ornymyzda eńbek etip, kóp­­­­­­shi­ligimiz qazir qurmetti demalystamyz. Desek te, qazirgi alyp otyr­ǵan zeınetaqymyz mardymsyz. О́ıtkeni, bizdiń paıymdaýymyzsha, 1993-2005 jyldar aralyǵyndaǵy zeınet­aqy qoryna qosqan úlesimiz eskerýsiz qalǵan sııaqty. Is-qaǵaz daıyndaý barysynda kórshi Qyrǵyzstannyń tıis­ti oryndarynda bolsaq ta ótini­shimizge naqty jaýap ala almadyq. Bir ǵana mysal, men ózim osy salada 1959 jyldan 2005 jylǵa deıin, al qosaǵym 40 jyl eńbek etip demalysqa shyqqanmen, qazirgi zeınetaqymyz tym az. Qysqasha baıandaı kelip aıtarymyz, tıisti oryndar osy jaǵdaıymyzdyń jaı-japsaryn anyqtap, jón-jobasyn kórsetip aqyl-keńes berse deımiz. Qurmetpen 120 temir­jol­shy­nyń atynan hat joldaýshy Jaqsylyq ShAILAZIMOV. Jambyl oblysy, T.Rysqulov aýdany, Jańaturmys aýyly.  ...usynys jasaıdy Qurmettiń jarqyn kórinisi bolar edi Men qarapaıym zeınet­­kermin. Shilde aıynda Astana kúni aıryq­sha atalyp, oǵan qosa, Elbasymyzdyń ­týǵan kúni de bolyp ótti. Prezıdentimiz­diń halqymyz úshin atqaryp jatqan eń­begi ushan-teńiz desem, artyq aıtqa­nym emes. Ol týraly tu­shymdy pikirler men oıly maqalalar baspasóz betterinde aıtyldy da, jazyldy da. Osyǵan baılanysty óz basym usynys jasaǵym kelip otyr. Elbasynyń halyq úshin jasap jatqan eńbegin baǵalap, elor­da­daǵy ortalyq alańǵa Prezıden­timiz­diń eskertkishin ornatsa deımin. Bolat ORMANTAEV, eńbek ardageri. Aqmola oblysy, Selınograd aýdany, Maksımovka aýyly. ...qaýip etedi Teris pıǵylǵa tyıym salynsa Búginde jamaǵattyń jappaı din­­ge bet burýyn basqa pıǵyl­­­­­daǵylar paıdalanyp qalýǵa tyrysýda. Ásirese, shetten kelgen ártúrli aǵymdaǵy dinı ókildi­­kterdiń óreskel is-áreketteri órship tur. Olar áli de qanshama zańdar qabyldaǵan memlekettik talaptardy tolyq moıynsynbaıtyn syńaıly. Máselen, Qostanaı óńirinde buryn bolyp kórmegen kórinister beleń ala bastady. Áıel, qyz-kelinshekter kıimderin ózgertip, ústerine qazaqta múlde bolmaǵan jat kıimder kıip, bas­taryna páránja jamylatyn boldy. Qazaq qyzynyń betin tumshalaǵany qaı zamanda bolyp edi! Jáne de keıingi kezderi osy ǵurypty ustanǵan qyzdarymyz shetel azamatymen turmys quryp, áıel ústine áıel bolyp kete barýdy ádetke aınaldyrdy. Bir bizdiń óńirde ǵana emes, birtin­dep basqa aımaqtarda da mysyqtaban­dap boı kórse­­te bastaǵan mundaı jat qylyq­tardyń aldyn alyp, zań-zákún­men qosa ár eldi mekendegi dýaly aýyz zııaly qaýym ókilderine sóz berip, tyıym salmasaq bolmas! Teris pıǵyldy jat áreketterge qashanda toıtarys berip, ózi­mizdiń ádet-ǵurpymyzdy saqtaýǵa tyrysaıyq, aǵaıyn! Jamanbaı ÝAQBAEV. Qostanaı oblysy, Áýlıekól aýdany, Amanqaraǵaı aýyly.  ...qynjylady Úshemniń jaǵdaıy alańdatady Men Atyraý oblysy, Isataı aýdany, Isataı aýylynyń turǵynymyn, zeınetker bolyp tabylamyn. Sizderge hat joldap otyrǵan sebebim, osy jyldyń qańtar aıynda kelinim Aınur Jumasheva úshemdi ómirge ákelip, qýanǵannan tó­bemiz kókke eki eli jetpeı qaldy. Buryn da aldy 2 synypta oqıtyn 3 neme­rem bar edi. Aıtarym, balam men keli­nim osy sábılerin ósirip, qatarǵa qosý úshin qıyndyqtarǵa tap bolyp otyr. Birinshiden, sábıler ómirge kelmeı jatyp ana sútiniń dámin almady, sebebi, dárigerler onyń juqpaly aýrýy bar dep birneshe kún emizdirmedi. Sonyń saldarynan kelinimniń súti qaıtyp ketti. Teksere kele onyń eshbir juqpaly aýrýy bolmaı shyqty. Ekinshiden, nemerelerim úıge kelgen soń da dárigerlik baqylaý sırek boldy. Álsiz Júrsin nemerem jan­saqtaý bólimine jatqyzylyp, oblys­tyq densaýlyq saqtaý bólimine aryz­danýymyzdyń arqasynda sábı­­­lerge dárigerlik baqylaý jóndele bastady. Balam Medet ishki ister depar­tamen­tinde, kelinim halyqqa qyzmet kórse­tý ortalyǵynda qyzmet jasaıdy. Ekeýi de Atyraý qalasynda turǵyn úı alý kezeginde tursa da, jýyqta kezek kelmeıtin sııaqty. Qazirgi ýaqytta saraı úıde turyp jatyr. Kútýshi alýǵa úı tar, ári balamnyń eńbekaqysy jetpeıdi. Osy jaǵdaılaryn aıtyp oblystyq, qalalyq quzyrly organdarǵa balam aýyzsha da, jazbasha da habarlasqan edi, biraq qanaǵattanarlyq jaýap ala almady. Sizderdiń gazetterińizdiń Atyraý oblysy boıynsha menshikti tilshisi Joldasbek Shópeǵulǵa habarlasyp edik, «Úshemge kim janashyr bolady?» degen mazmundy maqalasy shyqty. Bul maqalaǵa da eleń etken quzyrly organdar bolmaı otyr. Árıne, kim-kimde óz urpaǵyn ósirýge mindetti. Qoldan kelgenshe eshkimge alaqan jaıýǵa tyryspaıdy. Biz bir jerlerde úı berip jatyr, bir jerlerde mashına berip jatyr degen sózderge elikteýden aýlaqpyz. Tek sábılerimiz aman-esen, denderi saý bolyp, ósip-ónip jetilip ketse deımiz. Balalarymnyń qıyn jaǵdaıda júrgeni janyma batady. Baspana tarlyǵy, sábılerimniń densaýlyǵy alańdatady. Álip TAITAQBAEV, zeınetker. Atyraý oblysy, Isataı aýdany, Isataı aýyly.