Mýzeı • 22 Mamyr, 2023

Qolyńmen ustap, júrekpen sezin

171 ret kórsetildi

Oblystyq kózi kórmeıtin jáne nashar kóretin azamattar kitaphanasynyń uıytqy bolýymen elimizde tuńǵysh ret «Tıflomýzeı jobasy» aıasynda «Qolyńmen ustap, júrekpen sezin» taqyrybynda is-shara uıymdastyryldy. Onyń aıasynda oblystyq tarıhı-ólketaný mýzeıiniń ortaǵasyrlyq jádigerlerinen ekspozısııa jasaqtaldy.

Qolyńmen ustap, júrekpen sezin

– Zamanaýı úlgidegi QR-kod qoıylǵan ekspozısııa múmkindigi shekteýli azamat­tardyń smartfonǵa jádigerdiń kodyn engizý arqyly or­ta­ǵasyrlyq tarıhqa saıahat jasaýyna múmkindik týǵyzdy. Bul is-shara arqyly zaǵıp jandar kitaptan oqyp, qulaqpen estigen málimetin qolymen us­tap sezindi. Osylaısha, olar myńjyldyqtarmen sabaq­tasyp jatqan Tarazdyń tarıhymen tanysyp otyr, – deıdi kitap­hana dırektorynyń oryn­basary Zarına Dú­ken­bae­va.

Kitaphana basshylarynyń aıtýynsha, alǵash ret uı­ym­­dastyrylǵan is-shara barysynda QR-kod arqyly 30 jádiger qoıylsa, al­daǵy ýa­qytta tas dáýiri jádiger­le­rinen qa­zirgi zaman tarıhyna deıin qam­typ, atalǵan joba arqyly sýret álemi men ult­tyq qol­ónerimizdiń qyr-sy­ryn tanystyrý sekildi baǵytar da qarastyrylmaq.

«Tıflomýzeı jobasy» aıasynda qolǵa alynǵan tarıhı-tanymdyq is-sharaǵa belsene qatysqan azamattar jobanyń ózderin qyzyqtyrǵanyn tilge tıek etti. «Elimizdiń qaı qıy­ryn alyp qarasaq ta, tarıhy tereń ekenine kúmánimiz joq. Onyń ishinde Jambyl oblysynyń, Taraz qalasynyń orny bólek ekeni ras. Eki myń jyldan asa tarıhy bar Ta­razdaǵy árbir jádigerdiń ýa­qytynda qalaı jasalǵany biz úshin qyzyq. Sondyqtan da mundaı is-sharalar jıi uıym­dastyrylsa eken», deıdi olar.

 

TARAZ

 

Sońǵy jańalyqtar

Brakkodan bas tartty

Hokkeı • Keshe

Ersin erledi

Sport • Keshe

Jas ekologter jarysy

Jastar • Keshe

Kúzde oqylǵan óleń

О́ner • Keshe

Zaýyt jumysy toqtaıdy. Nege?

Aımaqtar • Keshe

Sábıler kóbeıip keledi

Qoǵam • Keshe