Búginge deıin Shymkent qalasy boıynsha mobıldi qosymsha arqyly 1434 neke tirkelgen. Balanyń týý týraly kýáligin alýǵa 60 myńnan astam ótinim, JShS-ni tirkeýge 160-qa jýyq ótinim berilgen. Sondaı-aq zańdy tulǵalar týraly 3 myńǵa jýyq jáne jyljymaıtyn múlik boıynsha 200 myńǵa jýyq málimetter berilgeni belgili boldy.
Sonymen qatar Ádilet vıse-mınıstri Ádilet organdary qyzmetiniń negizgi baǵyttary týraly jáne qoldanystaǵy zańnama aıasyndaǵy ózekti ózgeristerdi atap ótti. Bekbolat Moldabekov ótken jyly zańnamalardy ózgertý boıynsha eleýli jumystar júrgizilgenin atap ótti.
«Máselen saıası partııalardyń, Qazaqstan halqy Assambleıasynyń, jergilikti memlekettik basqarý organdarynyń qyzmetin retteıtin zańdar ózgertildi. 2023 jylǵy 1 qańtardan bastap elde Konstıtýsııalyq sot jumys isteıdi. Endi Memleket basshysynyń bastamasymen elimizdiń barlyq azamattary Konstıtýsııalyq sotqa júgine alady», dedi ol.
