Konstrýktor-kólik zańdastyrylady

Úkimet bul máseleni sh­eshý úshin azamattarǵa kons­trýktor-avtokólikterdi zań­­dastyrýǵa jáne bastapqy tir­keýdi júze­ge asyrýǵa múmkindik beretin tıis­ti erejelerge ózgerister engiz­di. Mundaı kólik quraldaryn bastapqy tirkeý úshin alym mólsherlemesi 200 myń teńgeni quraıdy.

Avtokólikterdi zańdastyrý úshin ótinimderdi «Egov» qyz­met­teri jáne ekinshi deńgeı­li bankterdiń mobıldi qosym­shalary arqyly berýge bolady.

Aıta ketý kerek, elimizge qosalqy bólshekter túrimen ákelingen jáne kedendik tazartýdan ótpegen avtokólikti tirkeý kýáliginde menshik qu­qy­ǵyn ózgertýge tyıym salý jáne tek Qazaqstan aýmaǵynda paıdalanýǵa ruqsat berý týraly jazba kórsetiledi.

Ishki ister mınıstrliginiń málimetinshe, aksııa bastal­ǵaly res­pýblıka boıynsha 107 myńnan asa kólik zańdas­tyrylǵan. Sonymen qatar 14 myń­ǵa jýyq konstrýktor-avto­kólik anyqtalǵan.

Tirkeý úshin kólik ıeleri ótinim, ishki ister organynyń ókiletti qyz­met­keri bergen transport qura­lyn tekserip-qaraý aktisin jáne tehnı­kalyq tek­serip-qaraýdyń dıagnos­tıka­lyq kartasyn usynýy qajet.

Konstrýktor-avtokólikti zańdas­tyrý úshin kelesideı qadamdardy ret-retimen oryndaý kerek. Aldymen on­laın-ótinim berilip, sosyn onyń elektrondy tirkeýi jasalady. Bul rette konstrýktorlyq avtokólikterdiń barlyq ıelerine avtomatty túrde bas tartý jáne qolda bar qujattardy prosessıngtik ortalyqtyń (PO) qyzmetkerine arnaıy HQKO-da usyný qajettiligi týraly habarlama jiberiletini túsindirildi.

Ekinshiden, PO qyzmetkeri transport qurylǵysyna tıesili qujattyń durystyǵyn tekseredi. Eger ol konstrýktor-avtokóliktiń talaptaryna saı bolsa ony elektrondy maquldaý paraǵyna qosady.

Úshinshi qadam – ótinim berýshi taǵy da onlaın-ótinim beredi jáne elektrondy maquldaý paraǵy boıynsha aldyn ala tekserýden ótedi. Sodan keıin tekserý beketine baǵyttalady. Bul kezeńde onyń avtokóligin ekspert-krımınalıster salystyryp tekserýden ótkizedi.

Salystyryp tekserýden sátti ótkennen keıin ótinim berý­shi HQKO-ǵa barlyq qajetti qujat­tardy usynady. Onyń ishinde dıagnos­tıkalyq karta bolady jáne 200 myń teńge kóleminde memlekettik baj salyǵy men alymdy tóleıdi.

Eske salyp óteıik, konstrýktor-avtokólik – bul mindetti túrde júris bóligi jáne odan ajyratylǵan qozǵalt­qyshy bar jańa avtomobıldiń shana­ǵyn qamtıtyn qurylym. Ádette, bul sha­naq elge qosalqy bólshekter de­gen jeleýmen ákelinip, eski kólikke orna­tylǵan. Osylaısha, eski qujat bo­ıyn­sha «jańa» kólikter paıda bolady.

Zańdastyrý sharasy 2023 jyldyń 1 shildesine deıin jalǵasady.