Shákárim Qudaıberdiuly urpaǵyna rýhanı azyq bolarlyq mol mura qaldyrdy. Atap aıtsaq, óleń-dastandar, mysaldar, naqyl sóz, proza, qara sózder, aýdarmalar. Sondaı-aq aqynnyń artynda kóptegen ánderi de qaldy. Osy ánderdiń jıyrma shaqtysy Q.Kerimqulov, A.Shákárimuly, N.Aldajarovtar arqyly keıingi urpaqqa jetse, odan keıingi kezeńdegi Shákárimniń án muralarynyń HHI ǵasyrǵa jetip, el sanasyna sińip, jadynda jattalýyna erekshe úles qosqan birden-bir ánshi – Kúrshim aýdanynyń týmasy, shákárimtanýshy, QR mádenıet qaıratkeri Keldenbaı Raýzauly О́lmesekov.
Kesh qonaqtary Sh.Qudaıberdiulynyń ómiri men shyǵarmashylyǵyna baılanysty tyń derekter alyp, kitaphana qyzmetkerleri usynǵan kórmeden aqyn qalamynan shyqqan kóptegen shyǵarmalarymen tanysty. Sonymen qatar, ómirin Shákárimniń mýzykalyq muralaryn izdeýge, elge tanystyrýǵa arnaǵan, osy maqsatpen qazaqtyń Altaıdan Atyraýǵa deıingi aralyǵyn jıyrma jyldan asa ýaqyt aralaǵan, Shákárim ánderi dese kez-kelgen qazaqtyń esine aldymen esimi túsetin Keldenbaı О́lmesekovtiń Shákárim ánderiniń nasıhattalýy jolynda atqarǵan eńbegi týraly aıtyldy.
Sondaı-aq ánshiniń ómiri men búkil shyǵarmashylyǵyna arnalǵan «Suraǵan janǵa sálem aıt…» atty alǵashqy jaryq kórgen kitaby oqyrmanǵa usynyldy.
О́mirde máńgi jasar ǵumyrlar bar. Ol artynda sózi, áni qalǵan án ıesiniń de, ánshiniń de, ánniń de máńgi ǵumyry. Basqosýda aqynnyń óleńderi oqylyp, ánshiniń ánderi oryndaldy.
