Ortalyqta oqýshylardy ǵylymı-tehnıkalyq, kórkem-estetıkalyq shyǵarmashylyqqa baýlyp, olardyń ekologııalyq-botanıkalyq dúnıetanymyn keńeıtetin, bolashaq mamandyǵyn tańdaýyna baǵyt-baǵdar beretin klýbtar men úıirmeler jumys isteıdi.
Memleket basshysyna ortalyqtaǵy kásibı baǵdarlaý kabınetiniń jáne avıamodeldeý, vırtýaldy zerthana, balamaly energııa kózderi sekildi úıirmelerdiń jumysy tanystyryldy.
Ortalyqty aralap kórý barysynda Memleket basshysy jetkinshektermen áńgimelesip, olardy búgingi merekesimen quttyqtady. Sondaı-aq balalardyń darynyn, qabiletin damytý úshin osyndaı ortalyqtar óte qajet ekenin atap ótti.
Prezıdent balalar ózderine unaǵan ispen aınalyssa, ómirde úlken jetistikke jetetinin, qoǵamda qurmetti azamat atanatynyn aıtyp, olarǵa sáttilik tiledi.
Úsh qabatty ǵımaratta ornalasqan ınnovasııalyq shyǵarmashylyq ortalyqta 1000-nan astam bala bir mezgilde túrli úıirmege jáne sport seksııasyna qatysa alady. Budan bólek, munda psıhologııalyq-pedagogıkalyq túzetý, defektolog, logoped kabınetteri jumys isteıdi, sondaı-aq 300 oryndyq kórermen zaly, medıakórme, ınteraktıvti oıyn jáne kovorkıng alańdary bar.
