Alty kúnge josparlanǵan fotosapar Aqtaý qalasy ákimdiginiń qoldaýymen iske asyp otyr.
Ekspedısııanyń negizgi maqsaty – Mańǵystaý ólkesiniń kóz tartar tabıǵaty men biregeı landshaftyn jan-jaqty kórsetetin fotomaterıaldar daıyndaý, týrısterdiń nazaryn aýdartý.
Sondaı-aq sapardyń qorytyndysy boıynsha Aqtaý qalasynda «Mars peızajdary» dep atalatyn fotokórme uıymdastyrý kózdelip otyr. Bul joba aıasynda National Geographic Qazaqstan redaksııasy tańdaǵan úzdik 25 jumys kórmege qoıylyp, kópshiliktiń nazaryna usynylmaq.
Aıta keteıik, ekspedısııalyq top quramynda National Geographic Qazaqstan jýrnalynyń ókilderi, otandyq kásibı fotograftar men vıdeograftar, sondaı-aq saıahatshy blogerler de bar.
Sonymen qatar ekspedısııanyń negizgi baǵyttaryna Tamshaly, Qapamsaı, Torysh, Bozjyra, Qyzylkúp sekildi týrıstik nysandarmen qatar, Beket Ata, Sultan Epe syndy Mańǵystaýdyń kıeli oryndary da kiredi.
