Aqparat jáne qoǵamdyq damý mınıstri Darhan Qydyráli Astanada Musylman aqsaqaldar keńesiniń Bas hatshysy Muhamed Ábdelsalammen kezdesti.
Eki tarap buǵan deıin de Ábý Dabıde ótken toleranttylyq taqyrybyndaǵy forýmda júzdesip, Musylman aqsaqaldar keńesiniń Qazaqstandaǵy ókildigin ashý jaıyn talqylaǵan bolatyn.
Bul jolǵy kezdesýde Astanada ókildiktiń ashylatyny málim boldy.
Sondaı-aq Darhan Qydyráli Bas hatshy Muhamed Ábdelsalamdy mınıstrliktiń jetekshilik etetin salalarymen qysqasha tanystyryp, toleranttylyq, dinaralyq tatýlyqty nasıhattaý jáne halyqaralyq deńgeıde birge jumys isteý týraly sóılesti.
«Qazaqstanǵa, ózimniń baýyrlas elime dep, qashan da erekshe qýanyshpen kelemin. Qonaqjaılyqtaryńyzǵa zor alǵys bildiremin. Elaralyq ózara tıimdi qarym-qatynasqa ádettegideı nıettimiz», dedi Muhamed Ábdelsalam.
