Oblys ákimi Nurlan Uranhaev búgin órt alyp jatqan aýdannan tikeleı málimdeme jasady.
«О́rt sóndirý sharalary Podnebesnoe, Kashtak, Talısa ýchastoktarynda jalǵasyp jatyr. Tabıǵı apatty aýyzdyqtaýǵa Almaty, Qyzylorda, Jetisý oblystarynan qosymsha órt sóndirý tehnıkalary shyqty. Shyǵys óńirlik qolbasshylyǵynyń 200 adamy men 8 tehnıkasy da jiberildi. Jedel shtab jumysy táýlik boıy jalǵasýda. Búgin tańǵy saǵat 7-de aerovızýaldy barlaý júrgizildi», dedi oblys ákimi.
Al, Tótenshe jaǵdaılar mınıstrligi О́rtke qarsy qyzmet komıtetiniń tóraǵasy, general-maıor Nurbolat Derbisovtiń aıtýynsha, Semeı ormany rezervatyndaǵy jaǵdaı turaqtala bastaǵan.
«О́rtti sóndirýge 8 tikushaq kirisip jatyr. Odan da bólek barlyq tehnıkalar men jeke quram jumyldyrylýda. Kúnniń qatty ystyq bolýy men jeldiń kúsheıýi de qıyndyqtar týǵyzyp jatyr. Qumdy alqaptar men keıbir jerlerdegi órtti sóndirýge qıyndyqtar týyndap jatqan jaıy bar. Degenmen, oǵan qaramastan ormanshylar da, barlyq salanyń jumysshylary da qol ushyn berip jatyr», deıdi N. Derbisov.
Odan bólek keshe órtti sóndirý jumystarynda 14 órt sóndirýshiniń úsheýi qaza bolǵandyǵy týraly aqparat taraǵan bolatyn. Ázirge basqalarynyń qaı aýmaqtarda joǵalyp ketkeni belgisiz, izdestirilip jatyr.
