Máýlen Áshimbaev, Muhammed Ábdelsalamǵa Astana halyqaralyq forýmyn qoldap, oǵan belsendi qatysqany úshin alǵys bildirdi.
Sonymen qatar Senat tóraǵasy aqsaqaldar keńesiniń halyqaralyq arenada beıbitshilik, birlik jáne dinı toleranttylyq ıdeıalaryn dáripteýge qosqan úlesin eskerip, Keńestiń Álemdik jáne dástúrli dinder lıderleriniń Sezine belsendi qatysyp kele jatqanyn atap ótti.
«Musylman aqsaqaldar keńesiniń ókildigin ashý Qazaqstan úshin erekshe mánge ıe. Keńestiń jumysy toleranttylyq, beıbitshilik, kelisim sııaqty qundylyqtardy dáripteýge arnalǵan. Jalpy, Keńes pen Sezdiń maqsattary sáıkes keletinin atap ótken jón. Sondyqtan jańa qurylymnyń jumysy Sezdiń ıdeıalaryn odan ári nasıhattaýǵa úlken úles qosady dep senemiz», dedi Máýlen Áshimbaev.
Sondaı-aq Máýlen Áshimbaev ótken aptada Mysyrdyń din lıderlerimen bolǵan kezdesýlerdiń qorytyndysyna nazar aýdardy jáne Senattyń aldaǵy jumys josparyn aıtyp ótti.
О́z kezeginde Muhammed Ábdelsalam jahandyq beıbitshilik pen kelisimdi nyǵaıtýda álemdik jáne dástúrli dinder lıderleri seziniń mańyzdy róli jóninde aıtty.
Sonymen qatar ol konfessııaaralyq jáne órkenıetaralyq dıalogty halyqaralyq deńgeıde dáripteýge Qazaqstannyń úlesi orasan zor ekenin aıtty.
