О́rtti sóndirýge TJM, Orman sharýashylyǵy komıtetinen, jergilikti atqarýshy organdardan jáne Qorǵanys mınıstrliginen 1 800-den astam adam, 350-ge jýyq birlik tehnıka jumyldyrylǵan.
Tótenshe jaǵdaılar mınıstri general-maıor Syrym Sháriphanov oqıǵa ornynan órt sóndirý jumystaryn úılestirip otyr.
Pılotsyz ushý apparatyn paıdalana otyryp, aerovızýaldy barlaý nátıjeleri boıynsha órt Qashtaq ormanshylyǵynan Semeı qalasyna qaraı baǵyt alyp, joǵary órbigeni baıqalǵan. Jedel is-qımyldar men qabyldanǵan sharalardyń arqasynda órttiń eldi mekenderge taralýyna jol berilgen joq.
Sonymen qatar órt aýmaǵyn aerovızýaldy tekserý jáne órt oshaqtaryna áýeden sý tógýdi júzege asyrý úshin tikushaqtar tartyldy. О́tken táýlikte órt oshaqtaryna áýeden 546 ret sý tógildi, jalpy kólemi 1 500-den astam tonnany quraıdy. О́rtti sóndirý jumystary bastalǵannan beri órt oshaqtaryna áýeden 1 323 ret sý tógildi, jalpy kólemi 4000-ǵa jýyq tonnany quraıdy.
Qazirgi ýaqytqa deıin jedel jelige 150 qońyraý tústi. TJD jedel jeli telefony: 8 722 235 38 31.
«Qazgıdromet» derekteri boıynsha 14 maýsym kúni qysqa merzimdi jańbyr (jańbyrdyń yqtımaldyǵy 60%), naızaǵaı, daýyl, soltústik-shyǵys jel sekýndyna 15-20 metr, ekpini sekýndyna 23-28 metrge deıin bolady dep boljanyp otyr. Túnde aýa temperatýrasy +5+100S, kúndiz +18+23S.
