BAQ ókilderine suhbat bergen mınıstr órttiń boljamdy sebepterin atady.
«Tergeý júrip jatyr, ázirge úsh nusqa bar. Is arnaıy prokýrorlardyń óndirisine qabyldandy. Bul topta IIM qyzmetkerleri de bar. Quzyrly organdar qasaqana órteý, nemquraıdylyq jáne naızaǵaı jarqylyna qatysty úsh nusqany qarastyryp jatyr. Saraptamalar men izdestirý is-sharalary jalǵasady. Tergeýge eki aı ýaqyt berildi», dedi Marat Ahmetjanov Úkimet alańynda.
Osy tusta vedomstvo basshysy eks-mınıstr Iýrıı Ilınge qatysty tekserý júrgiziletinin qosa aıtty.
«Prezıdent Bas prokýrorǵa tapsyrma berdi, onyń sheńberinde aýqymdy tekserý júrgiziledi. О́kinishke qaraı, tótenshe jaǵdaı kezinde adamdar kóz jumdy, sondyqtan barlyǵy qylmystyq is aıasynda tekseriledi», dep túsindirdi Ishki ister mınıstri.
