«Sapar aıasynda eki el basshylary kelissózder júrgizedi. Kelissózder barysynda saýda-ekonomıkalyq, ınvestısııalyq salalardaǵy yntymaqtastyqty keńeıtýge, kólik-logıstıkalyq jáne energetıkalyq qatynastardy damytýǵa, sondaı-aq gýmanıtarlyq baılanystardy tereńdetýge basa mán beriledi. Qazaqstan men Germanııa arasyndaǵy strategııalyq seriktestiktiń jaı-kúıi men ony nyǵaıtý perspektıvalary qarastyrylady», delingen habarlamada.
Kelissózder qorytyndysy boıynsha ekijaqty birqatar qujatqa qol qoıylady dep josparlanyp otyr.
Sonymen qatar Germanııanyń Federaldy Prezıdenti Qazaqstan men Germanııa ýnıversıtetteri rektorlarynyń forýmynda sóz sóıleıdi.
Budan bólek, eki el prezıdentteri qazaq-german bıznes forýmyna qatysady.
Frank-Valter Shtaınmaıer sapar aıasynda Mańǵystaý oblysyna baryp, óńirdiń ekonomıkalyq áleýetimen tanysady.
GFR Prezıdenti Qazaqstan-Germanııa ınjınırıng ınstıtýtynyń ashylýyna jáne Svevind shved-german kompanııasynyń jasyl sýtegi óndiretin zaýytynyń synama burǵylaý jumystaryn bastaý rásimine qatysady dep josparlanyp otyr.
Frank-Valter Shtaınmaıer Mańǵystaý oblysyna saparmen baratyn alǵashqy eýropalyq prezıdent bolmaq.
