Shaǵan shyńyn baǵyndyrdy

Olaı deıtinimiz, taý shyńyna jap­paı kóterilý Jetisý oblysyna týrıster­diń kelýin arttyryp, belsendi taý tý­rız­min súıetin jandardyń nazaryn ­aýda­ra alady. Sonymen qatar oblystaǵy taý týrızminiń dástúrlerin saqtaı otyryp, turǵyndardy buqaralyq týrızmge, taý joryqtaryna tartyp, taý týrızmi men júgirýdi nasıhattaýǵa múmkindik beredi. Bıiktigi teńiz deńgeıinen 2551m bolatyn Shaǵan taý shyńyna kóteri­lý – ár qatysýshynyń qıyndyqtar men synaqtardy jeńip, óziniń sport­tyq jetistikterin kórsetýge múmkin­dik beretin erekshe tájirıbe. Ony biz­ge «Visitzhetysu» týrıstik aqparat­tyq or­talyǵynyń basshysy Jandos Nurıev aıtyp berdi.

«Bıyl týrıster sanyn arttyrý úshin Kóksý, Aqsý, Sarqan, Alakól já­ne Eskeldi aýdandarynyń týrıstik oryn­­daryna aqparattyq týrlar ótkizý, sondaı-aq, «Altynemel» jáne «Jońǵar Alataý» memlekettik ulttyq tabıǵı parki aýmaǵynda is-sharalar ótkizý, oblystyń týrızm salasynyń ókilderi úshin oqytý kýrstaryn, master-klasstar men semınarlardy uıymdastyrý jáne ótkizý, is-sharalyq týrızmdi damytý maqsatynda festıvaldar ótkizý josparlanǵan. Ol qatarda «Shagan Fest», «Koksu Water Fest», «Winter Fest», «Zhetysu travel» týrıstik forýmy syndy birqydyrý is-sharalar bar. Qazirgi tańda oblysqa kelýshiler úshin qolaıly jaǵdaı jasaý maqsatynda týrıstik destınasııalardy damytý jumystary qarqyndy júrgizilýde», deıdi J.Nurıev.

Onyń aıtýynsha, týrızmdi aıtqan­da umyt qalmaı aıtylýǵa tıis taǵy bir basym baǵyt – Jońǵar Alataýy taý júıesinde týrızmdi damytý. Bul maqsatta Qora shatqalyndaǵy Býrhan-bulaq sarqyramasyna deıin jol jóndeý jumystaryn júrgizý josparlanýda. Jobalyq-smetalyq qujat ázirleýge jergilikti bıýdjetten 94,8 mln teńge bólingen. Osy aıda jobalaý uıymy aıqyndalmaq.

Atalǵan festıval aıasynda qaty­sýshylar kúnniń aptap ystyǵyna qara­mastan, Shaǵan taý shyńyn baǵyndyrýǵa tıis. Ańyzǵa baı taýdyń ushyr basynda qos arýdyń beınesi kórinedi. Áıtse de onyń óz áleti bar. Júzdegen týrıs­ter birlese, aldaǵy qıyndyqtardy eń­serýi shart. Is-shara barysynda uıym­dastyrýshylar qatysýshylardyń den­saýlyǵyn qadaǵalap, sýmen qamtamasyz etip otyrdy.

«Taýdyń ushar basyna shyǵý ońaı emes eken. Biraq tabıǵat qansha shar­shap tursań da ózine qaraı tartady. Osyndaı keremet áser úshin uıym­dastyrýshylarǵa alǵys aıtamyn. Men úshin úlken tájirıbe boldy ári qor­qynyshymdy jeńýge kúsh syılady. Jetisýdyń jaqutty jerleri kóp qoı, sonyń birin baǵyndyrǵanyma qýanyshtymyn», deıdi qatysýshy Aıgerim Nurlanqyzy.

Festıval sońynda shyńǵa shyqqan árbir adamǵa arnaıy medal men estelik syılyqtar tabystaldy. Bári bir­lese estelik sýretke túsip, alda bolar is-sha­ralarǵa qatysýǵa beıil ekenin jet­kizdi. Mundaı ıgilikti ister adamdardy salamatty ómir saltyna tartýǵa, týrıstik áleýetti arttyrýǵa jáne obly­symyzdyń týrızmin damytýǵa kómek­tesedi.

Jalpy, byltyrǵy statıstıka de­rekteri boıynsha Jetisý oblysynda týrısterdi qabyldaýdyń 346 nysany jumys istedi. Aqyly týrıstik-saýyqtyrý qyzmetteriniń kólemi de artyp, 5,2 mlrd teńgege jetti. Osy jyly 3,2 mlrd teńgege 18 nysan paıdalanýǵa berilgen.

Oblystyń týrıstik áleýetin ilge­riletý maqsatynda týrızm basqar­ma­synyń ókilderi naýryz aıynda Berlın (GFR) jáne Dýbaı (BAÁ) qala­laryndaǵy iri halyqaralyq týrıs­tik kórmelerge qatysqan. Sonymen qa­tar sáýir aıynda «Qorǵas» shekara mańy yntymaqtastyǵy halyqara­lyq ortalyǵynyń ashylýy sheńberinde BAQ ókilderi men blogerlerge arnalǵan aqparattyq týr uıymdastyryldy. Buǵan qosa, «Altynemel» memlekettik ulttyq tabıǵı parkiniń aýmaǵynda BAQ ókilderine aqparattyq týr ótkizildi.

Alakól kóli jaǵalaýynda ınfra­qurylymdy damytý maqsatynda 2021-2022 jyldary memlekettik bıýdjetten birqatar joba júzege asyrylýda. Aıtalyq, Alakól kóliniń jaǵalaýynda káriz júıesiniń qurylysy, jaǵalaý­dy bekitý jumystary, jolaýshylar tasymalyndaǵy avtojol jáne temirjol baǵytyndaǵy jobalardyń iske asýy. Onyń ishinde, búginde «Astana – Dos­tyq» qatynasymen «Talgo» poıyzy júrgizilýde. Áýe tasymalynda sýbsıdııalanatyn áýe reısteri júzege asýda. Bul rette «Jetisý» áýekompanııasy­nyń qatysýymen jazǵy maýsymda reısterdi kúnine 3 retke deıin arttyrý múmkin­digi bar ekenin atap ótken jón.

Balqash kóli jaǵalaýynyń týrıs­­tik ınfraqurylymyn damytý maq­sa­tyn­da «Balqash «Týrıstik-rek­rea­sııa­lyq demalys aımaǵynyń ınjenerlik-kommýnıkasııalyq je­li­lerin salý» jo­basy boıynsha jo­ba­lyq-smetalyq qujattama ázir­lendi. Jalpy quny 4,9 mlrd teńge kó­le­minde jobalanǵan. Qazirgi kezde qar­jylandyrý Indýs­trııa jáne ınfra­qurylymdyq damý mınıstrligi arqyly qarastyrylýda. Avtomobıl joldaryn rekonstrýksııalaý boıynsha qurylys-montajdaý jumystary júrgizilýde.

Budan bólek, kól jaǵalaýynda jo­balanatyn aýmaqta nómirlik qory 40 myń tósektik oryn bolatyn demalys oryn­daryn salý arqyly 30 mlrd teń­ge­ge ınvestısııalar tartý kútilýde. Tý­rıstik ındýstrııanyń eń qarqyndy da­myp kele jatqan jáne tanymal sektory ekologııalyq týrızm ekeni belgi­li. Onyń damýy «Altynemel» jáne «Joń­ǵar Alataýy» memlekettik ulttyq parkteriniń áleýetine negizdelgen.

Búginde «Altynemel» ulttyq par­kiniń aýmaǵynda ekologııalyq týrızmdi damytý jónindegi ınvestısııalyq jobany iske asyrý júrgizilýde. Inves­tısııalardyń josparlanǵan somasy 2 mlrd teńge bolsa, «Jońǵar Alataýy» ulttyq parkiniń aýmaǵynda jalpy quny 1,6 mlrd teńgege 8 ınvestısııalyq joba iske asyrylýda, onyń 6-aýy aıaqtaldy, bir jobany 2024 jyly aıaqtaý kózdelse, taǵy bir jobanyń qurylysy bastaý satysynda.

Jetisý oblysy