Maýsymnyń 19-y kúni Almaty-Atyraý baǵytyndaǵy №29/30 jolaýshylar poıyzynyń Noǵaıly stansasyna jetkenshe poıyz brıgadasynyń músheleri jolaýshyny shuǵyl bosandyrýǵa májbúr bolǵan.
Jolserikter bosanǵan áıelge kómektesý úshin barlyq qajetti sharalardy qoldanǵan. Oqıǵa týraly poıyz mashınısine habarlanyp, jaqyn mańdaǵy stansııaǵa jedel járdem shaqyrylǵan. Balanyń dúnıege kelýine jolserikter men jolaýshylar kómektesken.
«Jolaýshylarymyz Karına Balǵanym men Aqmamyq Bekenovaǵa alǵys aıtamyz. Poıyz brıgadasy men jolaýshylardyń úılesimdi jumysynyń arqasynda poıyzda ul bala aman-esen dúnıege keldi», deıdi poıyz jolserigi Maral Ádilbekova.
Maral Ádilbekova temirjolda 15 jyl eńbek etse, onyń 12 jylynda Atyraý ýchaskesinde jolaýshylar poıyzdarynyń jolserigi bolyp qyzmet atqarǵan.
Saǵyz stansasyna kelgen soń jańa týǵan nárestemen anasy jedel járdem dárigerlerine tapsyryldy.
