Qazaqstannyń barlyq aýmaǵy soltústik-batys sıklony men atmosferalyq frontaldy bólikterdiń yqpalynda bolǵandyqtan, jańbyr jaýady. Máselen, soltústikte, túnde ońtústik-shyǵystyń taýly aımaqtarynda naızaǵaı oınap, jańbyr jaýady. Tek respýblıkamyzdyń ońtústiginde, batysynda kún jaýyn-shashynsyz bolady.
«Eldiń basym bóliginde jel kúsheıip, ońtústik-shyǵysta, soltústikte, ortalyqta burshaq jaýyp, daýyl soǵady. Sondaı-aq ońtústikte shańdy daýyl kútiledi, túnde jáne tańerteń soltústikte, shyǵysta tuman túsedi.
Túrkistan, Mańǵystaý, Jambyl, Qostanaı oblysynyń ońtústiginde, ortalyǵynda, Qyzylorda oblysynyń batysy men shyǵysynda, Aqtóbe oblysynyń ońtústiginde Qaraǵandy, Ulytaý oblystarynyń ońtústiginde, Pavlodar oblysynyń batysynda, soltústiginde, ortalyǵynda, Atyraý oblysynyń ońtústiginde, shyǵysynda tótenshe órt qaýpi saqtalady», deıdi sınoptıkter.
Jetisý oblysynda, Almaty, Qaraǵandy oblystarynyń ońtústiginde jáne Ulytaý oblysynda, Batys Qazaqstan oblystarynyń ońtústik-shyǵysynda, Qyzylorda oblysynyń ortalyǵynda joǵary órt qaýpi saqtalady.
