Din • 27 Maýsym, 2023

Qashyqtan qurban shalýǵa arnalǵan saıt iske qosyldy

350 ret

kórsetildi

1 mın

oqý úshin

28 maýsym Qurban aıt merekesi bastalady. Osyǵan oraı Qazaqstan musylmandary dinı basqarmasy «Qurban-2023» qaıyrymdylyq aksııasyn uıymdastaryp jatyr. QMDB Qurban shalý rásimin qashyqtan ótkizýge arnalǵan qurban2023.kz saıtyn iske qosty, dep habarlaıdy Egemen.kz.

Aıtolǵan JÚNISHAN

Qashyqtan qurban shalýǵa arnalǵan saıt iske qosyldy

«Musylman qaýymynyń qasıetti aıt merekesine oraı barsha qazaq elin «Qurban-2023» qaıyrymdylyq aksııasyna úles qosýǵa shaqyramyz. Halyqqa, ásirese úlken qalalarda turatyn jamaǵatqa ońtaıly bolý úshin bıyl qurban shalý oflaın jáne onlaın formatta júzege asady», delingen resmı aqparatta.

QMDB málimetinshe, onlaın túrde qurban shalam deýshiler saıt arqyly qurbandyq malyn tańdap, kórsetilgen rekvızıtke qajetti qarajatty aýdara alady. Qoı men eshkini jeke adam, al iri qara men túıe malyn bir nemese 7 adam birigip shalsa bolady. Budan keıin tólem barysynda habarlamaǵa tapsyrys nómiri men qurbandyq shalýshynyń aty-jónin jazý mindetti. Qurbandyq shalynǵan soń onyń foto jáne beıne esebi tapsyrys berýshi kórsetken WhatsApp nómirge jiberiledi.