Qazirgi kezde stansııanyń montajdaý jumystary men gıdro synaq jumystary aıaqtalǵan. Al qazir tolyq iske qosý úshin testileý jumystary ótip jatyr.
Jospar boıysha sý berýdiń ekinshi kezeńi tamyz aıynda bastalady. Sol kezde 100 myń tekshe metrge deıin sý beriledi dep josparlanyp otyr.
Qala ákimdigi osyǵan deıin qalada sý qubyrynyń qurylysy aıaqtalyp, iske qosylǵanyn, bul sýdyń qysymyn arttyrýǵa jáne júıeniń turaqtylyǵyn qamtamasyz etýge múmkindik bergenin aıtty.
«Nura jerasty sý ken ornynan sý qubyryn jobalaý jáne Telman eldi mekenindegi sorǵy-súzgi qýatyn keńeıtý aıaqtalyp jatyr. Bul jobalar keleshekte Astanany aýyz sýmen qamtamasyz etý boıynsha qosymsha qýat beredi», dep qosty ákimdik ókilderi.
Sondaı-aq qalany jylýmen jabdyqtaýdyń qosymsha kólemimen qamtamasyz etý úshin eki gaz jylý stansııasynyń («Turan», «Ońtústik-Shyǵys») qurylysy júrip jatyr. Aıta ketsek, JEO-3-te jumys júrgizilip jatyr, onyń qurylysy keshiktirildi. Bul nysandardy jańa jylytý maýsymyna deıin aıaqtaý josparlanyp otyr.
