«Sońǵy úsh jyldyń ishinde naqty sharalar atqaryldy. Jalaqyny birneshe ret kóterdik. Turǵyn úı tólemderin alatyn qyzmetkerler kóbeıdi. Qazir olardyń sany 38 myńnan asty. Ulttyq ulanǵa qoldaý kórsetilýde. Materıaldyq-tehnıkalyq bazany nyǵaıtý úshin jyl saıyn qomaqty qarjy bólinip otyr. Innovasııalyq tehnologııalar engizilip jatyr.
Jalpy ishki ister organdaryna qoldaý kórsetile beredi. Osynyń bári azamattardy qorǵaý jáne qoǵamdyq tártipti nyǵaıtý úshin kerek. Temirdeı tártip – turaqtylyq pen tynyshtyqtyń kepili», dedi Memleket basshysy.
Sonymen qatar Prezıdent mınıstrlik basshylyǵynyń jurtpen kezdesip júretindigin atap ótti. Turǵyndardy tolǵandyratyn máselelerdiń az emes ekenin de eskerdi. Sonyń barlyǵyn kózben kórip, aqyldasyp, birlesip sheshýdiń durystyǵyn, sol úshin búgin ishki ister organdarynyń jumysyna qatysty ózekti máseleler talqylanatynyn aıtty.
