Astana kúnine oraı ótken «Qazaqstan barysy-2023» týrnıriniń aqtyq beldesýinde Mańǵystaý barysy Nurdáýlet Jarylǵapov pen «Ásker barysy» Ǵalymjan Qyryqbaı jolyqqan.
Ańdysýmen ótken negizgi ýaqyt teń aıaqtalyp, beldesý kezeńinde Ǵalymjan Qyryqbaıdyń baǵy basym boldy.
Al Nurdáýlet Jarylǵapov týrnırdiń kúmis júldesine ıe boldy.
Buǵan deıin týrnırdiń qola júldesi Pavlodar oblysynyń barysy Muhtar Dálelhanulynyń qanjyǵasynda ketken edi.
Eske salaıyq, bıyl «Qazaqstan barysy» ózgeshe ótip jatyr.
Jańa oblystardyń ashylýyna baılanysty jarysqa qatysýshylardyń sany artqan. Naqtyraq aıtsaq, 41 palýan baq synap jatyr.
Onyń ishinde 33 palýan oblystardan, 2 sportshy «Ásker barysynan» jáne 3 qaladan taǵy 6 sportshy qatysýǵa múmkindik alǵan.
Uıymdastyrýshylardyń málimetinshe, týrnırdiń jalpy júlde qory – 40 mln teńge, onyń ishinde jarys jeńimpazyna 25 mln teńge syıaqy beriledi.
