Prezıdent terrorızmge, separatızmge jáne ekstremızmge qarsy is-qımyl jónindegi 2025-2027 jyldarǵa arnalǵan yntymaqtastyq baǵdarlamasyn jańartýǵa kúsh salý kerektigin nazarǵa saldy.
«Budan bólek, Qazaqstan ShYU-nyń 2024-2029 jyldarǵa arnalǵan esirtkige qarsy strategııasy men ony júzege asyrý jónindegi Is-qımyl baǵdarlamasyn qabyldaýdy usynady. Bul sharalardyń bári turaqtylyqqa jáne ShYU keńistigindegi qaýipsizdikti júıeli túrde kúsheıtýge septigin tıgizedi. Aýǵanstandaǵy daǵdarysty eńserýge arnaıy nazar aýdarǵan jón bolar edi. BUU-nyń úılestirýimen aýǵan halqyna kórsetiletin kómekti jalǵastyrý mańyzdy.
Sondyqtan Almaty qalasynda Ortalyq Azııa men Aýǵanstan úshin turaqty damý maqsattary jónindegi BUU-nyń aýmaqtyq ortalyǵyn ashý jónindegi bizdiń bastamamyzǵa taǵy da tıisti deńgeıde nazar aýdarýdy usynamyz. Osy asa qajetti qurylymǵa sizder qoldaý kórsetedi dep senemin. AО́SShK-ti tolyqqandy halyqaralyq uıymǵa aınaldyrý prosesin bastaýǵa qoldaý kórsetkeni úshin ShYU-ǵa múshe memleketterge arnaıy rızashylyǵymdy bildiremin», dedi Memleket basshysy ShYU-ǵa múshe memleketter basshylary keńesiniń otyrysy barysynda.
