Jıynda Memleket basshysy elordany kóshirý ońaı bolmaǵanyn jáne qomaqty jumys atqarylǵanyn atap ótti.
«Bul sheshim óte kúrdeli kezeńde qabyldandy. Osyndaı qıyn jaǵdaıda Joǵarǵy Keńes Tuńǵysh Prezıdent Nursultan Ábishuly Nazarbaevtyń bastamasy boıynsha Astanany Aqmolaǵa aýystyrý týraly sheshimdi 1994 jyly 6 shildede qabyldady. Bas qalamyz resmı túrde 1997 jyly 10 jeltoqsanda kóshirildi. Al osydan 25 jyl buryn 6 mamyrda Aqmola ataýy Astana bolyp ózgertildi. Elordanyń jylnamasy Táýelsiz Qazaqstannyń shejiresimen tyǵyz astasyp jatyr. Shyn máninde, astanany kóshirý geosaıası turǵydan óte durys qadam boldy», dedi Prezıdent.
