«Bul – halqymyzdyń bolashaq taǵdyryn aıqyndaǵan asa mańyzdy jáne der kezinde qabyldanǵan tarıhı sheshim. Tuńǵysh Prezıdenttiń osy bastamasy jańa ulttyq ıdeıaǵa aınaldy. Bul sheshim elimizdiń, halqymyzdyń ulttyq múddesine saı kelgenine eshqandaı kúmán joq. Sondyqtan bárimiz Nursultan Ábishuly Nazarbaevtyń bul saladaǵy eńbegine laıyqty, ádiletti baǵa berýimiz kerek.
Ádiletti Qazaqstanda aqty aq, qarany qara deý qajet, basqa sózben aıtqanda, neniń shyndyq, neniń ótirik ekenin ajyrata bilý kerek. Bul – elimizdiń bolashaǵyna tikeleı qatysy bar másele. Elordanyń zamanaýı kelbetin qalyptastyrýǵa Kısıo Kýrokava, Norman Foster, Renato Arkettı, Manfredı Nıkolettı sııaqty álemge áıgili sáýletshiler atsalysty», dedi Memleket basshysy.
Sonymen qatar Prezıdent «Báıterek» monýmenti, «Beıbitshilik jáne kelisim» saraıy, «Han shatyr» kesheni jáne basqa da biregeı nysandar qalanyń kórkin asha túskenin eskerdi. Bas qalamyzdyń «Astana opera», «Astana balet» sııaqty óner ordalary arqyly búkil álemge mádenı ortalyq retinde tanylǵanyn, jańa elorda Táýelsiz Qazaqstannyń órkendeýine tyń serpin bergenin atap ótti.
