«Astana – bolashaǵy zor qala. Osy oraıda, biz «jasyl qala» ıdeıasyn júzege asyrýǵa aıryqsha mán beremiz. Elordamyz, eń aldymen, turǵyndarǵa yńǵaıly qala bolýy kerek. Astana – aımaqtaǵy iri qarjy ortalyǵy. Álemniń 75 eliniń 2 myńnan asa kompanııasy bıznes júrgizý úshin Astana halyqaralyq qarjy ortalyǵyn tańdady. Búginde Qarjy ortalyǵy elimizge 8 mıllıard dollar ınvestısııa tartty. Bul – jaqsy kórsetkish», dedi Q.Toqaev.
Osy rette ol álemdik saıasatshylardyń Astanany beıbitshilik alańy dep aıtyp júrgenin sóz etti. Onyń aıtýynsha, ustanymy bólek, múddeleri kereǵar elder osynda bitimge kelgen.
«Keleshekte de Astana bizdiń geosaıası aımaqtaǵy mańyzdy ortalyq retinde damı bermek. Men buǵan kámil senemin», dedi Prezıdent.
