Kásipkerler ónimi

Oblys ákiminiń orynbasary Bal­meıir Sansyzbaıuly kórmeni aralap, qatysýshylarmen pikirlesti. 2021-2025 jyldarǵa arnalǵan kásipker­lik­ti damytý jónindegi ulttyq joba aıasyn­da bıyldan bastap respýblıka kóle­minde «Men – kásipker» jobasy bas­taldy. «Áıelder kásipkerligin damytý ortalyǵy», «Bir aýyl – bir ónim» joba­sy jáne shaǵyn jáne orta bıznes ókil­deriniń kásipkerlik áleýetin arttyrý úshin «Kásipke baǵyt» atty salalyq oqy­týdy qamtıtyn bastama osyǵan deıin Jambyl, Batys Qazaqstan, Qos­tanaı jáne Mańǵystaý oblystarynda qanatqaqty rejimde sátti júzege asqan.

Tarıhyna tereńdesek, ótken ǵa­syr­da Japonııada bastalǵan joba­nyń maqsaty – aýyl turǵyndarynyń kásip­ker­lik áleýetin arttyrý. Qolda bar jer­gilikti shıkizatty iske jaratyp, eldi mekenderde jumys ornyn ashyp, aýyl turǵyndarynyń ál-aýqatyn arttyrý.

«Bul jobaǵa tek qyz-kelinshekter ǵana qatysa alady. Búgingi is-sharaǵa qa­tysýshylardyń ónimderin arnaıy sa­rapshy komıssııa qarap shyqty. Jeńimpazdar jaqynda anyqtalady. Olar jańashyl bıznes-ıdeıalarǵa arnalǵan grantqa qatysa alady. Al bi­rinshi oryn ıegeriniń taýarlary­na arnaıy mamandar marketıngtik sú­ıemeldeý jasaıdy», dedi Kásip­kerler palatasynyń dırektory Pir­mu­ham­med Syzdyqov.

Qyzylorda