Habar 24 arnasy usynǵan derekterge sáıkes, sońǵy eki jarym jylda Qazaqstanda býkmekerlik keńselerdiń sany 38-den 16-ǵa deıin azaıdy. Qazir taǵy tórt býkmekerlik keńseniń lısenzııasyn joıý boıynsha jumys júrgizilip jatyr. Sondaı-aq jyl basynan beri 5 lısenzııa qaıtaryldy.
Mádenıet jáne sport mınıstri Ashat Oralov Qazaqstan azamattary arasynda beleń alǵan qumar oıyn máselesi tóńireginde keńes ótkizdi. Oǵan vıse-mınıstrler, komıtet tóraǵalary jáne apparat basshysy qatysty.
«Mádenıet jáne sport mınıstrligi janynan zańǵa ózgerister engizý úshin jumys toby qurylyp, belsendi jumys atqaryp jatyr. Búgingi tańda qala kóshelerine qaraıtyn bolsaq, elordadan bastap shalǵaıdaǵy aýylǵa deıin árbir kóshede bılbordtar, bannerlerde qumar oıyndardyń jarnamasy tur. Eshqandaı tártip joq. Osynyń bárine tosqaýyl bolýymyz kerek. Kerek bolsa arnaıy buıryqtarǵa, zańǵa da ózgerister engizý qajet. Bul máseleni sheshýdi sozbaı, tez arada sheshim qabyldaýymyz mańyzdy. Osy baǵyttaǵy jumysty kúsheıtýimiz kerek dep esepteımin», dedi Ashat Oralov.
