Onda 150 orynǵa arnalǵan qosymsha mekteptiń qurylysyn júrgizip jatqan merdigermen jáne tapsyrys berýshimen obektilerdi salý prosesinde týyndaıtyn problemalyq máseleler talqylandy.
Atalǵan nysan 2022 jyldyń mamyr aıynda bastalǵan edi, alaıda qarjynyń jetispeýshiligine baılanysty qurylys toqtap, bıylǵy jyldyń naýryz aıynda qarjysy bólinip, qazirgi tańda qurylys jumystary qarqyndy júrgizilip jatyr.
Sapar barysynda depýtat qurylysy júrip jatqan Saraphana aýyl okrýgi, Maılyoshaq eldi mekeninen 200 oryndyq A.Baıtursynov atyndaǵy jalpy orta mektebine bardy. Bilim oshaǵynyń qurylysyn «О́mirzaq» JShS júrgizýde. Qurylys 2021 jyly bastalǵan. Osy jyldyń jeltoqsan aıyna deıin aıaqtalýy tıis.
Májilis depýtaty qos nysandy aralaý barysynda qurylystyń birqatar atqarylýy tıis jumystaryna nazar aýdardy.
«Mektep qurylysyn jospar boıynsha osy jyldan keshiktirmeý kerek. Bul nysan partııa tarapynan qazir tolyq baqylaýda. Bizdiń saılaýaldy baǵdarlamamyzda dál osy nysandardy engizip qoıǵan. Bizdiń qazir osynda kelý maqsatymyz jumystardy óz kózimizben kórip, baqylaýǵa alý», dedi Erlan Ábdıev.
Sondaı-aq qurylys sapasyna da basa mán berý kerektigin aıtqan depýtat oblystyq qurylys basqarmasyna jumystardy qadaǵalaýǵa alýdy qatań túrde tapsyrdy.
