Foto: Sportty damytý dıreksııasynyń baspasóz qyzmeti
21 shildede Malaızııanyń Malakka qalasynda WKF karateden eresekter arasynda XIX Azııa chempıonaty bastaldy. Álemniń 31 elinen 400-ge jýyq tatamı sheberi jınalǵan dúbirli dodada Qazaqstannyń 19 sportshysy baq synap jatyr.
Kýmıte baǵdarlamasynda Tokıo Olımpıadasynyń qola júldegeri, ulttyq qurama kóshbasshysy Sofıa Berýlseva (68 keliden joǵary) óz salmaǵy boıynsha qarsylastarynyń barlyǵyn jeńip, chempıon atandy.
Fınalǵa shyqqan taǵy bir qazaqstandyq Dıdar Ámiráli kúmis medal enshiledi.
Kýmıte baǵdarlamasynda Jolaman Bıǵabyl, kata baǵdarlamasynda Lııa Qoshqarbaeva óz salmaqtarynda qola júldelerdi qańjyǵalaryna baılady.
Azııa chempıonaty 23 shildede aıaqtalady.
