Kólemi boıynsha elimizde úshinshi oryn alatyn 1966 jyly salynǵan Shardara sý qoımasynyń sońǵy batımetrııalyq túsirilimi (tereńdiktegi birdeı syzyqtar týraly derekterdi jınaý prosesi) 1977 jyly júrgizilgen, sol kezeńderde sý qoımasynyń kólemi 5,2 mlrd m3 quraǵan eken.
Ýaqyt óte kele sý qoımasynyń túbi birtindep shógindilerge tolyp, sý qoımasynyń kóleminiń ózgerýine ákelip soqqan (sońǵy 55 jylda shógindi tunbasynyń kólemi shamamen 20% quraıdy). Jańa batımetrııalyq túsirilim sý qoımasynyń naqty kólemin anyqtaý úshin júrgizildi.
Búgingi tańda zertteý jumystary bastaldy, sý qoımasynyń túbinen synaq materıaldary alynyp, shógindilerdiń araqatynasyn anyqtaý úshin zerthanaǵa jiberilgen. Al shógindilerdi óńdep, materıal retinde kádege jaratý jańa tehnologııalardy qajet etpek.
Aıta ketý kerek, mundaı jumystar elimizde alǵash ret júrgizilýde, bul ońtústik aımaqtaryndaǵy sý tapshylyǵyn joıý úshin jańa serpin bolmaq.
Búgingi tańda Shardara sý qoımasy:
- aǵysy - 94 m3/sek,
- kólemi - 1 993 mln m3,
- sýdy aǵyzý - 612,15 m3 / sek,
onyń ishinde:
- Qyzylqum kanaly - 100 m3 / sek
- Syrdarııa ózeni - 500 m3 / sek
- Mash.kanaly - 11,5 m3 / sek
- Qarasaqal - 0,65 m3 / sek
