Memlekettik satyp alý: Zań buzý azaımaı tur

Memleket basshysy Q.Toqaev­­­­­­­tyń nazaryndaǵy kásip­­­­­­ker­­likpen aınalysatyn­ azamat­­­tardy qoldaý jáne bıznes­terin qorǵaý jaıyn aıtar bolsaq, bul salaǵa qatysty zań buzý­shy­lyq­tardyń oryn alǵandyǵyn baı­qaý qıyn emes. Ásirese tıis­ti salaǵa baǵyttalǵan bıýdjet qarajatynyń jumsalýy oblys­tyq­ prokýratýranyń qashanda naza­rynda. Memlekettik satyp alý rásimderin muqııat tekserý­ nátı­jesinde jalpy quny 12,7 mlrd teńgege baǵalanǵan

55 kon­­­kýrs toqtatylǵan. Sony­men­ qatar 4,9 mlrd teńgege joba­­lanǵan 259 memlekettik satyp alý sharttaryn zańǵa qaı­­shy keletindikten, buzýǵa týra kelip otyr. Sol maqsatta ju­mys­­tar júrgizilýde. Mundaı qı­­tur­­qylyq áreket negizinen mem­lekettik satyp alýdyń tási­lin­ teris paıdalanyp, tipti olardy jobalyq-smetalyq qujat­­ta­ryn­syz jarııalaýmen, báseke­les­tikti boldyrmaıtyn joǵary talap­tar qoıý sııaqty sebep­ter­men tamyrlasyp jatyr. My­sa­ly,­ Jarma aýdanyndaǵy jol­dar­dy jóndeýge arnalǵan kon­kýrs­tyń toqtatylýy – sonyń bir dáleli. Anyǵyn aıt­qan­da, «Qaz­Avt­o­Jol» kompanııa­sy­ jón­­deý­ jumystaryn jos­par­la­ǵan­ jol­ ýchaskesine 294 mln teń­geni­ zań­syz­ jumsamaq bolǵan.

Abaı oblystyq prokýra­tý­ra­­sy­nyń málimetinshe, jalpy jıy­ny memlekettik satyp alý tártibin buzǵany úshin ákimshilik jaýap­kershilikke – 10 adam, tár­tip­­tik jaýapkershilikke 27 adam tartylǵan. Onyń ishinde 2 kent ákimi jáne 2 ákimdik bólim­de­ri­niń basshylary bar. Qazir bul fakti­ler arnaıy proký­ror­dyń­ óndirisinde jiti qaralýda.

Memleket basshysy Q.Toqaev­­­­­­­­tyń otandyq bıznesti da­­my­­tý jáne kásipkerlikpen aına­­ly­satyn azamattardyń quqyn qorǵaý jaıyn únemi tilge tıek etetini belgili. Kásip­ker­ler­di zańsyz tekserýge jol berýge bolmaıtyndyǵy da málim. Oblys­tyq prokýratýranyń arala­sýymen baqylaýshy organ­dar­dyń 7 zańsyz tekserýleriniń kúshi joıylyp, 70 laýazymdy tulǵa tártiptik jaýapkershilikke tar­tylǵan.

«Nátıjesinde 3 myńnan as­tam­ kásipkerdiń quqyǵy qor­ǵaldy. Ákimshilik jaýapker­shi­likke Boro­dýlıha aýdany­ Memlekettik kirister basqar­ma­synyń basshysy tartyldy. Ol kassalyq chekterdi bermegeni úshin alty kásipkerdi ákimshilik jaýap­­kershilikke tartty. Jeke kásip­kerlerge qatysty 283 zańsyz salyq buıryǵynyń kúshi joıyl­dy. Bizdiń aktilerimiz boıyn­sha 230 kásipkerge 190 mln teńge tólendi. Odan bólek, kásip­kerlerge qatysty úsh qyl­mys­tyq is toqtatyldy», deıdi Abaı oblysynyń prokýrory E.Abaev.