Sınoptıkterdiń boljamynsha, Almatynyń taýly aýdandarynda nóser jańbyr, burshaq jaýyp, naızaǵaı oınaıdy. Naızaǵaı kezinde batystan soqqan jeldiń ekpini 18-23 m/s bolady.
«Ile Alataýy» memlekettik ulttyq tabıǵı parkiniń habarlamasynda: «Qatty jaýyn-shashynnyń túsýine baılanysty aǵymdaǵy jaǵdaıdy eskere otyryp, taýly jerlerde selderdiń paıda bolý qaýpi bar. 28-31 shilde kúnderi Almarasan, Kimasar, Býtakovka, Aqqaıyń, Aqsaı, Qaskeleń, Túrgen, Esik, Maralsaı, Qotyrbulaq, Almaty qalasy men Almaty oblysynyń taý bókterindegi avtomobıl jolymen qaýipti aımaqtarǵa jaıaý jáne avtokólikter úshin jol júrý shekteledi», delingen.
