Foto: BQO TJD
BQO Tótenshe jaǵdaılar departamentiniń baspasóz qyzmeti málim etkendeı, Oral qalasynda Gagarın kóshesi 2/5-mekenjaıynda saǵat 15.54-te aǵash avtokólikke qulaǵan.
Aǵash basyp qalǵan avtokólikten júrgizýshi shyǵa almaı otyrǵan. Qutqarýshylar toby aǵashty kesip, avtokólikti bosatty. Jumys saǵat 16.40-ta aıaqtalǵan.
Sondaı-aq Terekti aýdanynyń Podstepnyı aýylynda ekpini sekýndyna 13 metrge deıin jetken kúshti jel saǵat 17.00-de bir qabatty tórt páterlik úı shatyryn (50 sharshy metr) julyp túsirgen.
«Oral kóshesi 15-mekenjaıda ornalasqan úıdiń jalpy aýmaǵy – 180 sharshy metr. Zardap shekkender joq», dep málimdedi vedomstvo.
