Foto: QR Kásipodaqtar federasııasy
Kelisimge Ázerbaıjan Kásipodaqtar konfederasııasynyń tóraǵasy Sattar Mohbalıev, Qazaqstan Respýblıkasy Kásipodaqtar federasııasynyń tóraǵasy Satybaldy Dáýletalın, «Türk-İş» Túrik kásipodaqtary konfederasııasynyń prezıdenti Ergıýn Atalaı, О́zbekstan Kásipodaqtar federasııasy tóraǵasynyń orynbasary Bahtıer Mahmadalıev qol qoıdy.
Qyrǵyzstan Uıymǵa baqylaýshy mártebesinde qatysady. Jańa qurylymnyń negizgi maqsaty – eńbekkerlerdiń áleýmettik, eńbek, kásiptik, ekonomıkalyq quqyqtary men múddelerin qorǵaý jónindegi is-sharalardy biriktirý.
Saltanatty sharada sóz sóılegen Ázerbaıjan, Qazaqstan, Túrkııa jáne О́zbekstannyń kásipodaqtar konfederasııasynyń tóraǵalary uıymnyń mańyzdylyǵyn biraýyzdan atap ótti.
Aldaǵy yntymaqtastyqtyń negizgi baǵyttarynyń qatarynda aldyńǵy qatarly kásipodaq tájirıbesin ilgeriletý, tájirıbe almasý jáne jalpy túrki memleketteriniń eńbek naryǵyndaǵy jaǵdaıdy ózgertý jaıynda aıtyldy.
Ulttyq kásipodaq ortalyqtarynyń basshylary jańa qurylymnyń qurylýy ár eldiń kásipodaq qozǵalysy ómirindegi aıtýly oqıǵa ekenin atap ketti.
Ázerbaıjan, Qazaqstan, Túrkııa, Qyrǵyzstan jáne О́zbekstan ulttyq kásipodaq ortalyqtarynyń basshylary «Sheıitter» alleıasyndaǵy máńgilik alaýǵa gúl shoqtaryn qoıyp, Bakýdegi Qurmet alleıasynda bolyp, Ázerbaıjannyń tuńǵysh Prezıdenti Geıdar Álıevtiń rýhyna taǵzym etti.
