Zakon.kz saıty habarlaǵandaı, shamamen 14:30-da oblystyq juqpaly aýrýlar aýrýhanasyna taǵy eki bala tústi. Bul aqparatty QR Bala quqyqtary jónindegi ýákil Dınara Zákıeva rastady.
Eske sala ketsek, Qaraǵandy oblystyq balalarǵa arnaýly áleýmettik qyzmet kórsetý ortalyǵynda balalar jappaı ýlanǵany jóninde aqparat tarady. Oblys ákimdiginiń ókilderi 30 shildede ortalyqtaǵy eki balanyń ishi ótip, ózderin nashar sezingenin aıtty. Ertesine, ıaǵnı 31 shildede atalmysh mekemeniń taǵy 10 balasy dál sondaı belgilermen aýrýhanaǵa jetkizildi. О́kinishke qaraı, bir bala aýrýhanada kóz jumdy.
Osy jaǵdaıǵa baılanysty Densaýlyq saqtaý mınıstri Ajar Ǵınııat Qaraǵandyǵa bardy.
Aıta ketsek, Bas prokýratýra osy iske qatysty QR QK-niń 304-babynyń 2-bóligi (aýyr zardaptarǵa ákep soqtyrǵan sanıtarlyq erejelerdi nemese gıgıenalyq normatıvterdi buzý) boıynsha sotqa deıingi tergeý bastalǵanyn alǵa tartty.
