Muhıttyń arǵy betindegi júlde qory 1,9 mln dollardy quraıtyn týrnırdi ekinshi aınalymnan bastaǵan jerlesimiz úshinshi kezeńge shyǵý úshin osydan birneshe jyl buryn álemdik reıtıngte TOP-20 tennısshiniń qatarynda júrip, talaı týrnırde dara shyqqan tájirıbeli fransııalyq Gael Monfıspen sheberlik baıqasty.
Jaraqatyna baılanysty keıingi jyldary birqatar jarysqa qatysa almaı, dúnıejúzilik reıtıngte 323-orynǵa deıin túsip qalǵan G.Monfıs 1 saǵat 23 mınýtqa jalǵasqan básekede A.Býblıkti eki sette bet qaratpaı jeńip ketti – 6:3, 6:4. Match barysynda Býblık 3 eıs jasap, 6 breık-poınttyń tek bireýin ǵana paıdalana alsa, fransııalyq tennısshi 5 eıs, 3 breıkpen (10 breık-poınt) kózge tústi.
