Foto: polisia.kz
Zańsyz júrgen shetel azamattaryn Almatynyń polıseıleri jergilikti reıd kezinde anyqtady.
Almaty polısııa departamenti kóshi-qon qyzmeti basqarmasynyń bastyǵy Ashat Býtýnchınovtiń sózinshe, bir aptanyń ishinde Qazaqstan Respýblıkasynda zańsyz turyp jatqan Afrıka kontınentiniń 11 azamaty anyqtalǵan.
Almaty mamandandyrylǵan aýdanaralyq ákimshilik sotynyń qaýlysymen olar Qazaqstan Respýblıkasynan shyǵarylǵan.
«Sonymen qatar profılaktıkalyq is-sharalardy júrgizý barysynda Qazaqstannyń kóshi-qon salasyndaǵy zańnamasyn buzǵany úshin shetelderdiń 10 jáne kórshiles memleketterdiń 137 azamaty ákimshilik jaýapkershilikke tartylǵanyn aıta ketken jón. 23 shetel azamaty memleketten shyǵaryldy. Qabyldap-taratýǵa qujattary joq 52 sheteldik azamat ornalastyryldy», dedi Ashat Býtýnchınov.
