Joldyń jyry – eldiń muńy­

Muny estigen senatorlar Ǵalı­as­qar Sarybaev pen Aman­geldi Tóle­misov jáne Indýstrııa jáne ınfra­qurylymdyq damý mınıstr­liginiń avtomobıl jol­dary ko­mı­tetiniń tóraǵasy Tólegen Abdýl­lın «QazAvtoJol» AQ-nyń ma­­mandarynyń ýájin tyńdap, Al­tyn­emel asýynan ótkizetin kúre­joldyń qurylysyn kózben kórip qaıtty.

Oblystyq máslıhattyń tór­­­aǵa­sy Gúlnar Toılybaeva, «Amanat» partııasynyń Jetisý oblys­tyq fılıalynyń tóraǵa­sy Arystanǵalı Aryn, oblystyq jolaýshy kóligi jáne avtomobıl joldary basqarmasynyń basshysy Ǵalymjan Dáribaev, oblystyq, Panfılov, Kerbulaq aýdandyq máslıhattarynyń depýtattary, oblystyq Qoǵamdyq keńestiń músheleri qatysqan kezdesýde jergilikti turǵyndardyń Altynemel asýyndaǵy joldyń bıyl aıaqtalmaıtynyna alańdaý­shylyq bildirip otyrǵany aıtylyp, talap-aryz bergeni alǵa tartyldy.

Kezdesý barysynda oblys ákimi Beıbit Isabaev bıyl mamyr aıynda jol jóndeý jumystarynyń jaı-kúıimen arnaıy tanysqanyn atap ótti. Al nysannyń nelik­ten keshigetini týraly málimettiń shyqqanyn suraǵan senatorlar­ǵa jaýap bergen «QazAvtoJol» UK» AQ-nyń basqarma tóraǵa­sy Meıirhat Qasymbaev:

«Árbir qurylys – bir kún­dik sharýa emes. Saryózek – Kók­tal baǵytyndaǵy joldyń 45-68 shaqy­rymyna júrgizilip jatqan kúr­deli jóndeý ju­mys­tarynyń uzaq jú­rýi, eń aldymen, kelisimshartqa tike­leı baılanysty. 2021 jyly jasal­ǵan kelisimshart 3 jylǵa eseptelgen. Soǵan baılanysty Qarjy mınıstrligi 2021 jyly qarjynyń 10 paıyzyn, 2022 jyly taǵy 10 paıyzyn berdi. Endi 2023 jyly kelgende qarjynyń qalǵan bóli­gin túgeldeı bóldi. Alǵashqy jyldarda teń bólinbegen qomaqty qarjyny keıingi jyly tolyq ıgerý múmkin bolmaı tur. Osylaı­sha, jalpy 10,2 mlrd teńge bólinip otyr», dep máseleniń mánisin túsin­dirip ótti.

«Bul – bir. Ekinshiden, 2021 jyly qarjy qajetti deńgeıde bó­linbegendikten, taýardyń baǵasy búginde qymbattap ketti. Qarjy mınıstrligi men Ekonomıka mı­nıstrligi ınflıasııany quryq­taı almaǵanynan bólek, joldyń qar­jysyn keshiktirip bergizdi. Sonyń kesirinen nysannyń quny 2,5 mlrd teńgege qymbattady. Sol sebepti qurylys merzimi uzardy. Myna nysannyń uzyndyǵy – 23 shaqyrym. Respýblıka boıyn­sha 3 700 shaqyrym joldyń qu­rylysy tur. Onyń bárine qyrýar jumys kúshi kerek. Ony izdeý, tabý qajet. Sondyqtan jalǵyz «QazAvtoJol» UK» AQ-ny kiná­laı berýge bolmas. Árıne, ult­tyq kompanııa mer­digerleriniń kinási bar. Ony túsi­nemiz. О́z quzyretimizdiń she­ginde sheshýge tyrysyp jatyrmyz. Osyǵan oraı bıylǵy qazan-qarasha aılarynda avtojoldy paıdalanýǵa beremiz. Keler 2024 jyly 25 qarashada tolyq bitirip, eldiń qajetine usynamyz», dedi M.Qasymbaev.

«QazAvtoJol» AQ-nyń Al­maty oblystyq fılıalynyń tór­­aǵasy Nurhat Aqyltaevtyń aıtýyn­­sha, Saryózek – Kóktal ba­ǵy­­tyndaǵy avtokólik jolynyń 45-68 shaqyrymyndaǵy qurylys jumystary keıingi bir aıdyń ishin­de qarqyn alǵan. Endi kózge kó­rinbeıtin joldyń tabanyn bekitý jumystary aıaqtalyp, betondaý aıaqtala bastaǵan. Qazir kúnine 1 km joldyń asfalti tóselip, Altyn­emel asýyndaǵy kúrdeli bury­lystardy túzeý, bekitý jumys­tary júrip jatyr. Uzyndyǵy 23 shaqy­rymǵa teń joldy jóndeý­ge alǵan «RSÝ-1» jaýapkershi­ligi shekteýli seriktestigine kó­mek­ke 2 sýbmerdiger kelgen. Bul – «KazContructionGroup», «E.S.T.Contruction» jaýapker­shi­ligi shek­teýli seriktestikteri. Qazir asýda 105 túrli tehnıka, 170 adam ju­mys istep jatyr. Osyǵan oraı bıyl­ǵy qońyr kúzde asfalti tósel­gen joldyń bir baǵyty ashylyp, jolaýshylardy ótkize bastaıdy. Bir ókinishtisi, «Alasem» zaýytyna shıkizat tasıtyn júk kólikteri joldyń ja­byndysyn tozdyryp, túzý je­rin qıratyp ketýde. Osyǵan oraı senatorlarǵa ótinish jasaǵan «QazAvtoJol» AQ basshylary jolmen salmaǵy aýyr kólikterdi júrgizbeýdi Úkimet deńgeıinde sheship berýge kómektesýdi surady.

О́tinish aıaqsyz qalmaıty­nyn jetkizgen Senat depýtaty Ǵ.Sarybaev ulttyq kompanııa bas­shy­lyǵyna asýdaǵy joldyń qaýip­siz­digin qamtamasyz etýdi tapsyryp, Prezıdenttiń tapsyrmasyna oraı jol bıyl paıdalanýǵa berilýi kerek ekenin eskertti. Kúnine 3 reıs jasaıtyn qytaılyq aýyr júk kólikteri jańa joldy tozdyryp jiberetinin alǵa tartqan M.Qasymbaev Altynemel asýyndaǵy júk kólikteriniń sanyn azaıtý qurylystyń sapasyna tikeleı áser etetinin atap ótti.

Budan soń Altynemel asýynyń Basshı aýyldyq okrýgimen shekte­setin jerine deıin baryp, qury­lys jumystarymen tanysqan ju­mys toby máseleni birlese sheshý­ge ­ke­listi. Ol úshin «QazAvtoJol» AQ asýdan ótetin jolǵa asfalt tó­seýdi kúz aıynda biti­rip, avto­kó­likterdiń ótýine múmkin­dik berýi kerek. Al jol quryly­sy jospar­ǵa sáıkes keler jyly kúz­de bite­di. Iаǵnı taýdy kesip óte­tin joldy abattandyrý jumys­ta­ry 2024 jyly aıaqtalady.

Kezdesýge kelgen Qoǵamdyq ke­ńes músheleri men aýdandyq, oblys­tyq máslıhattardyń depýtat­tary Saryózek – Kóktal avto­jolynyń ózekti máseleleri – jol­dyń mańyn tazartý, abattan­dyrý syndy ju­mystardy qarjylandyrýǵa qa­tysty suraqtaryn qoıyp, laıyqty jaýap aldy.

Parlament Senatynyń depý­tat­tarymen kezdesýge kel­gen «Ala­sem» zaýytynyń júrgizý­shi­leri zaýytqa shıkizat jetkizip berý­men aınalysatyn «Uly Dala Joly» JShS-nyń ospadar­syz áreketine narazylyǵyn jet­kizdi. Olardyń aıtýynsha, Altyn­emel asýynan jetkiziletin tas­ty seriktestik 20 tonnalyq júk kólik­terine 40 tonnadan tıeýdi min­dettep, jol júrý qaýipsizdigin aıryqsha buzyp otyr. Osyǵan baılanysty «Alasem» zaýytynyń basshylyǵymen arnaıy kezdesip, máseleni sheshýdi tapsyratynyn jetkizgen halyq qalaýlylary avtojoldy merziminde berýdiń qajetin eskertti.