Sýretti túsirgen Rýslan Kadyrov
Máselen, Kerbulaq aýdanyna qarasty Saryózek aýylynyń turǵyny Aıjan Artyqbaevany alyp qaraıyqshy. О́z kásibin shyr aınaldyryp, aýyldastarynyń kóz qýanyshyna aınalyp otyr. Bala kúninen ózi súıip jasaıtyn tátti taǵamdardy halyqqa usynyp, kásiptiń kózi etken. Kásipker súıgen istiń esh ýaqytta sharshatpaıtynyn, kerisinshe, odan lázzat alyp, iske degen qulshynysty arttyratynyn erekshe sezimmen jetkizdi.
Aıjan mektepti «Altyn belgige» bitirgen. Sóıtip, Ál-Farabı atyndaǵy QazUÝ-diń fızıka-matematıka fakýltetine oqýǵa túsip, aıaqtaǵan soń esepshilikti de oqyǵan. Eki joǵary bilimi bar mamanǵa bul bıznesti júrgizýge qazir úlken kómegin tıgizip jatyr. Ol muny áńgimelesý kezinde aıtty.
«Adam ózi qalaǵan ispen aınalysqanda ǵana úlken jetistikke qol jetkize alady. Men oǵan súıgen kásibimmen shuǵyldaný kezinde tereń kóz jetkizdim. Bıznesten birden paıda tabam dep oılaý – qate. Bul úlken shyǵynǵa ushyratady. Súıgen istiń barlyq qıyndyǵyna jemisin kórgenshe shydaý kerek. Birde súrinseń, birde qaıta turasyń, kedergilerden de ótesiń. Osylaısha shyńdalyp, ushtalyp baryp bir izge túsesiń. Ár isti óz mamanyna tapsyrǵan durys. Sonda ǵana jumys jandanady. Bızneste bilimdi, jan-jaqty bolý basty shart ekenin este ustaǵan jón», deıdi kásipker kelinshek.
Qazir ol – «Káribaeva» jeke kásipkerliginiń jetekshisi. Kásipkerdiń taǵam ónimderi «Dastarqan» atty taýarlyq brendpen shyǵarylady. Taǵam daıyndaýǵa qajet ónimderi ózderiniń «Nurdáýlet» sharýa qojalyǵynan ákelinedi. Bul sharýashylyqta 500-600 bas usaq mal, 100 bas iri qara baǵylady. Sondaı-aq 300 shaqty taýyq bar. Iаǵnı et, sút, jumyrtqa ónimderiniń bári taǵamdardy ázirleýge qoldanylady. Undy satyp alady. Daıyn ónimderi – 500-600 adamǵa shaqtalǵan toı-tomalaq, as máziri sııaqty is-sharalardy ótkizýge suranysta.
Taýyq, sıyr etinen mánti, tushpara, kotlet, samsa, shujyq ónimderi daıyndalady. Al sútten kilegeı, irimshik, qurt jasaıdy. Qol jaımasy men baýyrsaq, toqash, chebýrek, basqa da nan túrlerine tapsyrys kóp. Turaqty túrde suranys beretinderi de az emes. Basym bóligi – Saryózek aýylynyń turǵyndary. О́nimderi áleýmettik jelidegi arnaıy paraqsha arqyly jarnamalanady. Tutynýshylar kóbine sol arqyly baılanysyp, Almaty, Taldyqorǵan qalasynan tapsyrys beredi. Sebebi olardyń hımııalyq qospasyz daıyndalatyn tabıǵı taza ónimderge qyzyǵýshylyǵy joǵary. Iаǵnı taýar ótimdiligi talapqa saı.
«Bizde 6 adam jumys isteıdi. Bári – jergilikti turǵyndar. Olardyń arnaıy kásiptik bilimi bolmasa da istegi tájirıbeleri mol. Qyz-kelinshekter ártúrli is-sharalarǵa qatysyp, tájirıbeli mamandardan bilmegenderin úırenip, biliktiligin jetildirip qaıtýǵa múmkindik jasalady. Aqyly kýrstarǵa da qatysamyz. Taǵam ázirleý Ońtústikte jaqsy damyǵan. Jasyratyny joq, qazir bizde tamaq ónerkásibi boıynsha maman tabý qıyn. Sol sebepti jumyspen qamtý ortalyǵyna suraý jiberemiz. Al osy salada bilim alǵan jastar bizge kelmeıdi, iri qalalarǵa ketedi. Máskeýden oqý bitirgen et tehnologymen de tyǵyz baılanysta jumys isteımiz», deıdi A.Artyqbaeva.
Kásipker «Bir aýyl, bir ónim» jobasyna usynys bergen. Aldaǵy ýaqytta taýar aınalymyn jaqsartyp, básekege qabilettilikti arttyrý úshin naryqty keńeıtý kózdelip otyr. Sondaı-aq daıyn ónimderdi eksportqa shyǵarý josparda bar.
