Toǵyz bank taratylady

Agenttiktiń habarlaýynsha, taratý prosesinde turǵan atalǵan 9 banktiń lısenzııalary 2007 jyldan 2021 jylǵa deıingi kezeńde keri qaıtaryp alyndy. Atap aıtqanda, bular – Valıýt-tranzıt bank (taratý – 2007 jylǵy 1 naýryzdan bastap); Qazınvestbank (2018 jylǵy 24 qańtardan bastap); Delta Bank (2018 jylǵy 25 sáýirden bastap); Qazaq Banki (2018 jylǵy 12 jeltoqsannan bas­tap); Astana Banki (2019 jyl­ǵy 9 qańtardan bas­tap); Eksımbank Qazaqstan (2019 jylǵy 16 qańtardan bastap); Tengri Bank (2021 jylǵy 15 aqpannan bastap); AsiaCredit Bank (2021 jylǵy 22 shildeden bastap); CapitalBank Kazakhstan (2021 jylǵy 5 qazannan bastap).

«Taratylatyn bankterdiń taratý óndirisiniń barysy týraly aqparat toqsan saıyn agenttiktiń resmı saıtynda «Qarjy naryqtary – Bank sektory – Taratý úderisi – Taratý prosesiniń aǵymdaǵy mártebesi týraly aqparat» bóliminde ornalastyrylady. Bıyl 1 shildedegi jaǵdaı boıynsha taratylatyn bank­ter boıynsha ózekti aqparat saıtta 14 shildede ornalastyryldy. Osyǵan baılanysty taratý úderisi jumys istep turǵan 21 ekinshi deńgeıdegi bankke qatysty emes, lısenzııa­lary 2007-2021 jyl­dary qaıtaryp alynǵan basqa 9 bankke qatysty júr­gi­ziledi. Jumys istep tur­ǵan 21 ekinshi deńgeıdegi bankten lısenzııalardy keri qaıtaryp alý josparlanyp otyrǵan joq», delingen resmı málimdemede.

Qazirgi ýaqytta elimizde bank sektorynda 21 ekinshi deń­geıdegi bank bar, onyń ishin­de 12 bank sheteldiń qaty­sýymen, onyń 8-i – enshiles bank.

Búgingi tańda bank sektory turaqty, bankter barlyq prýdensııalyq normatıvterdi oryndaýda. Bank sektorynyń aktıvteri 46,6 trln teńgeni quraıdy. Ekinshi deńgeıdegi bankterde 13,7 trln teńgeni nemese jıyntyq aktıvterdiń 29,4%-yn quraıtyn ótimdiligi joǵary aktıvterdiń eleýli qory bar. Bos ótimdiliktiń bolýy bankterge óz mindet­teme­lerin tolyq kólemde oryn­daýǵa múmkindik beredi.

Bank sektorynyń menshik­ti kapıtaly – 5,7 trln teńge. Qar­jy ınstıtýttarynyń negizgi kapıtalynyń jetki­liktilik koeffısıenti (k1) 18,6%-dy, menshikti kapıtalynyń jetkiliktilik koeffısıenti (k2) 21,4%-dy qurady, bul zańnamada belgilengen normatıvterden (min. tıisinshe 5,5% jáne 8%) aıtarlyqtaı asyp ketedi jáne bank sektoryndaǵy yqtımal táýekelderdi óteýdi qamtamasyz etedi.

Sonymen qatar kredıt port­feliniń sapasy turaqty bo­lyp qalyp otyr. Jumys istemeıtin NPL qaryzdardyń úlesi nesıe portfeliniń 3,6%-yn qurady. Jumys istemeıtin kredıtterdi provızııalarmen óteý joǵary deńgeıde qalyp, 77,4%-dy quraıdy.