Quramajem óndirýdi qolǵa aldy

Sharýa qojalyq basshy­sy­nyń aıtýynsha, ózi ashqan seh­ta mal men qusqa arnalǵan azyqtyń 12 túri óndirilip ja­tyr.­ Quramajemdi óndirý úshin J.Sartaev bıdaı, maqsary, arpa jáne ózge dándi daqyldardy paıdalanady eken.

«Men 18 jylymdy syrtta­ ót­ki­z­­gen azamatpyn. Aqkól aýy­­­lyna kelgeli mal azyǵyn da­­ıyn­­daýdyń mańyzy zor eke­nin­ ańǵardym. О́ıtkeni jergi­lik­­ti sharýalar men kórshiles aýdannyń malsaq azamattary tarapynan suranys bar ekeni baıqaldy. Qurama­jemniń iri-qaraǵa, qoıǵa, taýyqqa arnalǵan túrlerin shyǵaryp jatyrmyz. Bul otbasylyq bıznes bolǵanymen, qosymsha jumys kúshi kerek ekenin sezi­nip otyrmyz. Alaıda qara jumysshy­lar­dy tabý máselesi qıyndap tur», deıdi J.Sartaev.

Aqkólde kásiporyn ashyp, talmaı ter tógip júr­gen aza­mat­tyń aıtýynsha, jumy­syn­ jolǵa qoıý úshin «Damý» banki­­nen qomaqty qarajatty nesıe­ge alypty. Quramajem óndi­rý maýsymdyq jumys bol­­ǵandyqtan, nesıeni tóleý aı­tar­­­lyqtaı másele týyndata­tyn kóri­nedi. О́ıtkeni bank­ tarapynan kanıkýl qaras­ty­ryl­maǵan.

«Táýekelke bel baılaǵan soń jumysty josparǵa sáıkes iske asyrý kerek. Bul, árıne, ońaı emes. Osy ýaqytqa deıin 35 mln teńge saldym. Bir jaqsysy aýdan ákimdigi qýat­ty­lyǵy 65 kVt bolatyn transformatr ornatyp berdi. Al ózim árqaısysy 2,5 mln teńge turatyn úsh apparat aldym. Álbette, otbasylyq bız­nes bolǵandyqtan bul jumys­ty ıgerýdiń ózindik qıyn­dyq­ta­ry bar. Qazir qosymsha eki jumys­shy kerek. Alaıda qara jumys­ty­ atqarýǵa nıetti azamattardy tap­paı dal bolyp otyrǵan jaıy­myz bar», deıdi ol jaǵdaıdy túsindirip.

J.Sartaev keltirgen derek­ter­ge sensek, quramajem óndi­rý­den bólek, 1000 tonnaǵa ar­nalǵan saqtaý qoımasyn ja­saq­tap qoıǵan. Onyń aıtýynsha, keıingi jyldary kór­shi­ aýdandardyń sharýalary da «Jan» sharýa qojalyǵy óndir­gen ónimge qyzyǵa bastaǵan. Kásip­ker ótken jyly 670 tonna qura­majem satypty. Jalpy al­ǵanda ónimniń ótkerilý kór­set­kishi jyl ótken saıyn arta tús­ken.

«Aqkól aýylyndaǵy tozǵan ǵımaratty satyp aldym. Búgingi tańda eki qabatty sol mekemeni qaıta qalpyna keltirip jatyrmyn. Bul ǵımaratty art sport túrlerine nemese balalarǵa arnalǵan túrli úıirme úıi retinde paıdalanýǵa barlyq múmkindik bar. Álbette, jergi­lik­ti atqarýshy bılik ǵımaratty memle­kettik menshikke qaı­ta­rýǵa nıetti bolsa, ózim jum­saǵan qosa eseptegendegi qunyna satýǵa daıynmyn. Qaraý­syz qalǵan mekeme el ıgiligine jarasa degen tilek kókeıde atoılap tur. Jeke sharýa qojalyǵym bar. Aýyldyń kórkeıýi men órkendeýi úshin qol­dan kelgenshe demeýshilik ja­sap júrmin. Atqarǵan jumys­­­tarymnyń barlyǵyna 100 mln teńgeniń shamasynda qara­jat jumsappyn. Shyny kerek, az tirlik tyndyrǵan joq­pyn. Alaıda óńir bıligi tara­pynan maqtaý qaǵaz da alyp kórmeppin. Keıde sanada eńbe­gi­­mizdi elep qoısa degen oı da qy­lań beredi», deıdi ol.

Quramajem óndirý isin qolǵa alǵan J.Sartaev aldaǵy ýaqytta jumysyn jandandyra túsýge nıetti. Ol jumysshy kúshin arttyrý arqyly ónim kólemin ulǵaıtýǵa qulshynyp otyr.