Memlekettik attestattaý densaýlyq saqtaý salasyndaǵy tehnıkalyq jáne kásiptik bilim berý salasyndaǵy oqý jumys baǵdarlamalaryna, bazalyq kásiptik modýlderdi oqytýǵa, memlekettik jalpyǵa mindetti bilim berý standartynyń talaptaryna, kadrlyq áleýetke, oqý-tárbıe jumysyn uıymdastyrýǵa qatysty birqatar máselelerdi anyqtady.
Densaýlyq saqtaý mınıstrliginiń ókilderi anyqtalǵan buzýshylyqtar bir jyl ishinde joıylýǵa tıis ekenin eskertip, túsindirý jumystaryn júrgizdi.
«Qaıta attestattaý kezinde buzýshylyqtar anyqtalǵan jaǵdaıda, QR Densaýlyq saqtaý mınıstrligi densaýlyq saqtaý salasyndaǵy bilim berý uıymyna barý nemese bilim berý qyzmetine lısenzııany qaıtaryp alý arqyly baqylaý josparyna engizý úshin attestattaýdan ótpegen medısınalyq kolledjderdiń tizbesin QR Bilim mınıstrligine jiberedi», delingen vedomstvo habarlamasynda.
